Amosi 5:18 - Bhiblia Yo Sawuleka

¹⁸ Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela.

Amosi 5:18 Referans Kwoze

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Joyeli 2:10

Masoni kwakwe, mafu ma na dhudhumela, nzuma yi na dekadeka; ditambo ni mtxima si na maha sa mtima, ni tinyeleti ti na thavisa kuphatima ka tona.

2 Pedro 3:4

Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”

Ezekhiyele 12:27

Awe mwanana wa m'thu, wona taku va nyumba ya ka Israyeli, va kha vona: Txiwoniso txi a txi wonako wuwa, nja masiku amangi, kambe a profeta ngu timbimo ti tiku kule.

Ezekhiyele 12:22

Awe mwanana wa m'thu, divingu muni mi ku nado ditikoni ka Israyeli, daku khanu: Masiku ma na lapha, si na mwalala sotshe siwoniso kani?

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

Jeremiya 17:15

Wona, va womba kwangu, va txi kha vona: “Ku hayi koko kudhukisela ka Mkoma kani? Ku na maheke koko ka!”

Dhewuteronome 32:24

Va na guma mtamo ngu nzala, ve guma ngu sindeyandeya ni mitungu yo karata ngutu, ni na rumela sihari sa txitinga si txi va kakatxulela ngu makwasa, ni wuxungu wa minyoka, yi tsimbilako lithuluni.

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.

Isaya 24:18

Se ku na maheka taku, wule a no tutuma ngu mhaka ya dipswi do dhukisa, a na wela diphalani; ni wule a no huma ngu diphalani, mlawu, wu na m'bzweta; nguko mafasitela a txitimwi ma tulekile, ni makhato a mafu ma zinginika.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.