Amosi 5:17 - Bhiblia Yo Sawuleka

¹⁷ Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.

Amosi 5:17 Referans Kwoze

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Zakariya 9:8

Se ani ni na riyela mabutho akwe, madhawani ka nyumba yangu, kasi ku si pindi ni wammweyo, ni ti to ku si tshumeli ni wammweyo; a ti to ku sisuri kupinda mlala ni wammweyo, nguko konkuwa ni ti woni.

Nahume 1:15

Wonani mikondo txitimwi ka mimango ya wu a tisako mahungu a maphya, ya wu a huwelelako kudikha! Maha mibuso yako, awe Judha, hetisa sixambanyo sako, nguko m'bihi kha na mbi ngadi kambe a txi pinda ngu kwako; ene a na loviswa do gwita.

Nahume 1:12

Mkoma a womba tiya: Hambi mi txo tsana ka kutxani, hambi mi di vangi ko txani, hambi keto, mi na fuviswa, se ene a na pinda; awe Judha ni kuxanisile, aniko na mbi ngadi ni kuxanisa kambe.

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Eksodha 12:23

Nguko Mkoma a na pinda, kasiku e peka Vaegipta ngu lifo: Se ngako a txi wona mnoha ka mtshunzuti wa txitimwi ni ka misasimo yimbidi, ene a na pinda ngu hahanze ka ditimba asi tumeli ti to txirumwa txa kudaya txi wulela nyumbani kwanu, txi ta mi daya.

Eksodha 11:4

Mosi a wombile ka Faro a txi khene: “Mkoma a khene: Hagari ka wusiku ni na pinda ngu hagari ka ditiko da Egipta.