Amosi 5:13 - Bhiblia Yo Sawuleka

¹³ Ngu toneto, awu a ku ni mapimo a na malala, ka yona mbimo yile, nguko mbimo yi na va yi di bihile.

Amosi 5:13 Referans Kwoze

2 Timoti 3:1

Kambe, ziva tiya: Ka masiku a kugwitisa ku na hoka timbimo to karata.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Hoseya 4:4

Ngu kumaha keto, ku nga ni wo kaneta, mwendo kukawuka; nguko vathu vako va fana ni vale va kanetisanako ni mphaxeli.

Ekleziyaste 3:7

mbimo ya kuvharula, ni mbimo ya kurunga; mbimo ya kumalala, ni mbimo ya kuwombawomba;

Vaefesu 6:13

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Amosi 6:10

A wu a no teka sirumbi mwendo awu a no wu hisa, taku e teka marambu e huma nawo nyumbani, a na gela awule a ku magwito ka nyumba a txi khene: Kha ku nga ni m'thu. Se ene a na khene: Malala, nguko hi nga thuke hi gwesa ditina da Mkoma.

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Isaya 36:21

Aniko vona va to malala, kha va mxamula dipswi ni da dimwedo, nguko ku ti ti ni txileleto txa mfumeli, txo khene: Mi nga mxamuleni.

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

2 Vafumeli 18:36

Ngu kumaha keto, vathu va to mala kha va xamula hambi dipswi ni da dimwedo; nguko dipswi da mfumeli di ti ti kha dona: Mi nga mxamuleni.

Jobe 32:16

Ni verete koko, aniko kha ma womba-womba; nguko se mi malate, kambe kha mi xamuli txilo.

Masalmo 38:14

Ni fana ni wule asi engisiko, awu a kuwalo ni dipswi da kutiangulela.