Amosi 5:12 - Bhiblia Yo Sawuleka

¹² Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Amosi 5:12 Referans Kwoze

Amosi 5:10

Va venga wu a emako ni to lulama habanza, ni kunyenya wu a wombawombako ditshuri.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

1 Samuwele 8:3

Aniko vanana vakwe kha va tsimbila ngu tinzila takwe; kambe va to wekelela ka timale, ve tumela kuxawa, ve hambanisa wululamo.

Jakobe 5:6

Mi ningete m'thu wo lulama e dawa. Ene kha mi lambela.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Amosi 2:16

Ditshiku da kona hambi ndena yi yi ku ni txixinya ka totshe, yi na tutuma i di tximbwiri, kuwomba Mkoma.

Sidilo 3:34

Kukandetela ngu mikondo Totshe tikhumbi ta ha mafuni;

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Isaya 47:9

Aniko ka totshe timhaka tiya ta timbidi, ti nata txitimwi kwako ngu mbimo yimweyo, ka ditshiku dimwedo: Kufelwa ngu vanana, ni kumaha noni; ngu mtamo wotshe ti nata txitimwi kwako, ngu mhaka ya wuloyi wako wo tala, ngu sixamaliso sako so tala ngutu.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Isaya 5:23

Dikhombo ka vale va emelako m'bihi ngu kuxavelela, se awule wo lulama ve mlambela kululama!

Mavingu 22:22

U nga pele txisiwana, nguko njisiwana, hambi kutsindaveta wule a xaniswako haditimbani.

Jobe 31:21

mwendo ngu dianza dangu ni pekile wo felwa ngu vaveleki, ngu kuwona wa ku ni lwela ha txikeni,

Rute 4:1

Se Bhowazi a to tsula habanzani, a txi ya khalahatsha kona; wona taku, awule wa mtiruli a nga ti wombawombile ngu ngene Bhowazi, a ti ti pinda, se a txi m'gela ku khene: “He mawe, ngono ngu kheno, se hi nga khalahatsha hawa.” Se a to jika a txi ya hale eya khalahatsha.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Masalmo 127:5

A katekile m'thu wu a nga tata msava ngu tingove toneto! Kha na mbi wiswa tingana ngako a txi ti angulela, ni valala vakwe masoni ka valamuli ha phangoni.

Mavingu 17:8

Txiningo dirigwi da lisima ka vale va txi amukelako; ni hayi ayako kona txi na m'vhuna.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Hoseya 5:3

Ani na m'ziva Efrayime, ni Israyeli kha sisali masoni kwangu; nguko konkuwa, awe Efrayime, u mahile wugelegele, se u ningetile Israyeli.

Amosi 2:3

Ni na thavisa mlamuli hagari kwakwe, ni daya votshe vathangeli vakwe kumweko ni nene, kuwomba Mkoma.

Amosi 5:7

Anu mi phinduketako wunene ngu mbiti, ni kurinza hahatshi wululamo.

Amosi 8:4

Engisani tiya, anu mi navelako kuxanisa vo pwata, mi hoxota sisiwana sa ha mafuni,

Eksodha 23:3

u nga emele txisiwana ka mhaka yo wekela.

Eksodha 23:6

U nga jikise mhaka ya txisiwana kulamulwani ka txona, ngako yi di lulamile.

Jobe 20:19

nguko a tsindavetile sisiwana ni ku si leka, niku a honyote nyumba yi a nga mbi yi aka,