Amosi 5:11 - Bhiblia Yo Sawuleka

¹¹ Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Amosi 5:11 Referans Kwoze

Zefaniya 1:13

Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Dhewuteronome 28:30

U na wuta msikati aniko mmwani wamwamna a na otela nayo, u na aka nyumba kambe khu na mbi zumba ka yona; u na dima u txi phaya mivhinya, aniko khu na mbi dya mihando ya kona.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Amosi 3:15

Ni na hoxota nyumba ya mbimo ya malanga ni nyumba ya mbimo ya wuxika; se tinyumba to tshuriswa ngu makwasa a tinzofu ti na lova, tinyumba ta hombe ti nava ni magwito, kuwomba Mkoma.

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Ezekhiyele 26:12

Se va na pa tithomba tako, va txi handa siya sako, ve khundumusela maguma ako, ni kukhundumusela tinyumba tako ta lisima; ni marigwi ako, ni mapulango ako, se lithulu lako va na li xwaya hagari ka mati.

Amosi 2:6

Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.

Amosi 3:9

Pfalisani tiya ka tinyumba ta wukoma ta Asidhodhi, ni ka tinyumba ta wukoma ta ditikoni ka Egipta, mi txi khanu: Sengeletanani mimangoni ka Samariya, mi wona pfilu-pfilu ya hombe hagari ka dona, ni vale va xaniswako ka dona.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Amosi 6:11

Wonani taku Mkoma wa ruma, m'ti wa hombe wu na khundumuselwa, se m'ti wa wudotho wu na bhandekela.

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Amosi 8:4

Engisani tiya, anu mi navelako kuxanisa vo pwata, mi hoxota sisiwana sa ha mafuni,

Mika 1:6

Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Jobe 20:19

nguko a tsindavetile sisiwana ni ku si leka, niku a honyote nyumba yi a nga mbi yi aka,

Ezekhiyele 34:21

Ta woneka taku ngu didhawa ni dikata, ma ti rethetela tinvuta, kambe ngu titxheho tanu ma dhinetela tile ta kwa mbi na mtamo, kala miza mi txi tihangalasa hahanze,

Hoseya 9:2

Dithala ni mkawu kha si na mbi mi zumbisa; se vhinya yi na pwateka.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.