Amosi 4:9 - Bhiblia Yo Sawuleka

⁹ Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Amosi 4:9 Referans Kwoze

Hagayi 2:17

Ni mi dayisile ngu wuhya, ni maralala ni kukura, ka wotshe mthumo wa manza anu; kambe kha ka ngava ni wammweyo hagari kwanu a nga tshumela kwangu, kuwomba Mkoma.

Dhewuteronome 28:22

Mkoma a na kupeka ngu malwati a ndere ni txindeyandeyane, ni kusimba, ni kuhisa, ni lisani, ni kusina ka timbewu, ni kubhirela, asi si no kunamarela kala u txi fuva.

Joyeli 1:4

Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Amosi 4:8

Kambe kutsimbite vapeperuki ka madhoropa mambidi mwendo mararu, va txi ya ka didhoropa dimwani, kasi kuya sela mati, aniko kha va kolwa: Aniko kha ma hundulukela kwangu, kuwombile Mkoma.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Joyeli 1:7

Di mahile m'vhinya wangu wu fuviswa, se di kwamute mabanzi a mkuwu wangu, se di kwamulete otshe, di txi ma tshotsha hahatshi; madhavi a wona di ma kwalalisile.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Isaya 1:5

Ngu kutxani mi no tsayiswa, nga kusimama miya masoni ngu kueyisa kani? Wotshe msungo wa lwala, ni yotshe mbilu yi pandisekile.

2 Makronika 6:28

Ku txi maneka nzala ditikoni, ku txi humelela mitungu, ni kuyha ka timbewu mwendo sijhingara ka siyalo, ni tihumbi, mipungu, mbimo yi mlala wako a tsivako sike sako, mwendo kumaneka ka mitungu yokari hambi malwati,

1 Vafumeli 8:37

Ku txi maneka nzala ditikoni, ku txi humelela mitungu, ku txi maneka kuhya ka timbewu, kujingara ka siyalo, tihumbi ni titshikiti, mbimo yi mlala wako a tsivako sike sako, mwendo kumaneka ka mitungu yokari hambi malwati,

Dhewuteronome 28:42

Yotshe mindonga yako ni mihando ya mafu ako, si na dyiwa ngu sikalani.

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.