Amosi 4:7 - Bhiblia Yo Sawuleka

⁷ Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Amosi 4:7 Referans Kwoze

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Jakobe 5:17

Elija i ti m'thu wa kuxaniseka kufana ni nathu, a khongete ngu kukhutala ti to nzuma yi si ni, se ku gumile malembe mararu ni mtxhanu wa mitxima ni wumwewo, ma si wi mati ha mafuni.

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Eksodha 10:23

Mmwani ni mmwani a ti sikoti kuwona mmwani, ni wammweyo kha sikota kukhukha ka wukhalo wule a nga ti ka wona, mndani ka masiku mararu; ditikoni kotshe ka Egipta ni ka makhalo otshe. A mu ku nga txi maneka vanana va ka Israyeli ku ti ti ho kuwonekela.

Eksodha 9:4

Se Mkoma a na hambanisa mitxhambi ya Vaisrayeli ni mitxhambi ya Vaegipta, kha ku na mbi fa ni txa tximwetxo txifuyo txi txi lumbako vanana va ka Israyeli.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Johani 4:35

Kasi kha mi wombi anu, tito: ‘Ku sate mune wa mitxima, se yi na hoka mbimo ya kuelula’, kani? Kha ditshuri na mi gela ni khani: Gulani maso mi wona: Tithembwe ti nga xwee, ti lavako kuelulwa.

Zakariya 14:17

Se ku na maheka taku, ngako mwaya wokari wu si kweleli Jerusalema, kuya khozela Mfumeli, Mkoma wa Mabutho a Tiyimbi, mwayewo kha wu na mbi nelwa ngu nzuma.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 14:4

Vadimi va wiswa tingana, ve fenengeta misungo yawe. Nguko mafu ma bhandekile, ngu mhaka ya kupwateka ka mati ha mafuni.

Dhewuteronome 11:17

nguko Mkoma a nga mi henyela e tsiva nzuma, ku siwi kambe mati, mafu ma si swi me mi ninga sakudya, se anu mi lova ngu kukuluveta ka ditiko da dinene, adi Mkoma a nga mi ninga dona.

Eksodha 8:22

Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

Eksodha 10:22

Se Mosi a to guleta dianza dakwe a txi di komba nzumani, aha ku nga maneka txidema ka dotshe ditiko da Egipta, mndani ka masiku mararu.

Jeremiya 14:3

Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.