Amosi 4:4 - Bhiblia Yo Sawuleka

⁴ Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Amosi 4:4 Referans Kwoze

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Matewu 23:32

Ngu toneto, tatisani mpimo wa vatate vanu!

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.

Marku 14:41

A di wile kwawe da wuraru, a to va gela a txi khene: “Konkuwa otelani mi humula. Ti dingani. Se txikhati txi hokile. Mwanana wa M'thu wa ningelwa manzani ka vaonhi.

Marku 5:5

Yotshe mbimo, wusiku ni mitshikari a ti tsimbila mayivani ni mimangoni, a txi kwangula, a txi ti kurumulela ngu marigwi.

Amosi 3:14

Ditshiku di ni no tsayisa Israyeli ngu kundaka kwakwe mlayo, ni na tsayisa txiluvelo txa Bheteli; se titxheho ta txiluvelo ti na wilwa ti wela hahatshi.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Matewu 26:45

Sekoko a di tshumete kambe eya ka vagondiswa vakwe, a va gete a txi khene: “Konkuwa mi nga sikota kuotela, mi txi humula! Wonani, yi hokile mbimo yi Mwanana wa M'thu a no ningelwa ngu yona manzani ka vaonhi.

Dhewuteronome 26:12

Ka dilemba da wuraru, dilembe da sa wugumi, ngako u di gwitile kuthavisa sa wugumi ka sotshe sile u nga elula, u na si ningela ka Mlevhi, ni ka mluveli, ni ka wo felwa ngu vatate, ni noni, kasi kuva txi dya, ve khura amu didhoropani kwako.