Amosi 4:3 - Bhiblia Yo Sawuleka

³ Mi na huma ngu lisoko, mmweyo ngu mmweyo, ni ya mi mirinza Hermoni, kuwomba Mkoma.

Amosi 4:3 Referans Kwoze

Ezekhiyele 12:5

Dhoda diguma na va txi kuwona, u humisa siya.

Ezekhiyele 12:12

Se mthangeli wule a ku hagari kwawe a na pakata siya, ku di phumile e huma; va na dhoda diguma va txi si thavisa; va na tsiva maso awe, kasi ku va si woni mafu.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Isaya 31:7

Nguko ka ditshiku dile, mmweyo ni mmweyo, a na tshotsha kule sithombe sakwe sa silivhela, ni sithombe sakwe sa nzalama, si nga mahwa ngu manza anu, kasi ku mi onho.

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

2 Vafumeli 7:15

Se va to va londisa kala Jordhani, yotshe nzila yi ti ti tate ngu syambalo ni matxhari va nga ti wisetete Vasiriya ngu kuzama txikuluveta, avale vo rumwa va to wuya ve ta zivisa ka mfumeli.

Valamuli 5:17

Gileyadhi a zumbile mtxhatuko ka Jordhani, Dhani ngu kutxani u txi zumbela tingalavani kani? Aseri a ti ti zumbile mambambe ka linene, e ti zumbela sithoni kwakwe.

Jeremiya 52:7

ku to tuleka lisoko lo kari didhoropani, se votshe valwi va yimbi va to thava, ve huma ni wusiku, ngu nzila ya txike, hagari ka maguma mabidi ma nga txi maneka thembweni ka mfumeli (nguko Vakaldheya va txi lwa ni didhoropa), va tutumile ngu nzila ya mkovani.

Amosi 6:7

Ngu koneho, konkuwa, mi na ya wukhumbini, ku va vo khata va ku na maha tikhumbi, se mi na gwita ni mibuso ya mipipi.