Amosi 4:13 - Bhiblia Yo Sawuleka

¹³ Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Amosi 4:13 Referans Kwoze

Amosi 5:8

Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Mika 1:3

Nguko, wonani taku Mkoma wa khukha ka wukhalo wakwe, e txhika, se a na tsimbila-tsimbila txitimwi ka mafu.

Amosi 9:6

Ngene a akako tinyumba takwe nzumani, e tsanisa nzuma mafuni a dhanako mati a linene, e ma nisa txitimwi ka mafu; ditina dakwe ngene Mkoma.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Masalmo 65:6

Awe wa tsanisa mimango ngu wukoma wako ni mtamo wako.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Jeremiya 51:19

Mkoma wa Jakobe kha fani ni vawe; nguko ene M'vangi wa sotshe; kambe Israyeli lihunzu la thomba yakwe.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Isaya 40:12

I mani a nga pima linene ngu dianza dakwe, awu a nga teka lipimo la nzuma ngu manza akwe, se e sengeleta lithulu la mafu, ka mpimo wokari, ni kupima mimango ni simangwana txikaloni kani?

Dhewuteronome 32:13

A va kwelisile mimango ya mafu, a txi va dyisa mihando ya txitinga. Ni ku va dyisa wulombe wa dirigwini, ni mtona a kuhuma ngu mu ka dirigwi do banga,

Eksodha 14:20

ngu ka toneto, direfu di manekile di txi zumbela hagari ka dibutho da yimbi ya Vaegipta ni va ka Israyeli; aniko ngu ka Vaegipta direfu i ti da mtema wa hombe, aniko, ka va ka Israyeli di ti ti va woningeta. Ngu mhaka yeto, Vaegipta kha va sikota kumanela va ka Israyeli ka wusiku wotshe.

Eksodha 10:22

Se Mosi a to guleta dianza dakwe a txi di komba nzumani, aha ku nga maneka txidema ka dotshe ditiko da Egipta, mndani ka masiku mararu.

Johani 3:8

Diphuho di futeta mu di randako kona, se u pfa txiwudi txa dona, aniko khu ti zivi ti to di ta ngu hani ni ti to di ya hani. Ngu toneto, ti mahekako ni ka votshe va va nga velekwa ngu Moya wa Txizimu.”

Habhakuki 3:19

Mkoma Txizimu ngene mtamo wangu, se a na maha ti to mikondo yangu yi txi nga ya mhunti, a na ni maha ni tsimbila ka makhalo o guleka. (Ka muembeleli ni ka sivetaveta sangu sa tindando.)

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.

Amosi 5:27

Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.

Amosi 3:13

Engisani, wukelani nyumba ya ka Jakobe, kuwomba Mkoma Txizimu, Txizimu txa Mabutho a Tiyimbi.

Jeremiya 51:16

A txi pfalisa dipswi ngu kudhinda ka hombe ka mati nzumani, ni tihunguva, kukhukhela magwito ka mafu: Wa maha kukeluka ma txi wa mati, ni kuhumisa moya ngu mu wu zumbako kona.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Isaya 48:2

Se mi tekile ni ditina da didhoropa do sawuleka, mi tsana ngu Txizimu txa ka Israyeli; ditina da txona Mkoma wa Mabutho a Tiyimbi.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Masalmo 147:18

Ngu msana wa rumela dimwani dipswi, se maralala me nyivilika; wa ruma diphuho, di txi futeta, se mati ma txi khulunga.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Matewu 9:4

Se ngako Jesu a di woni mialakanyo yawe, a to khene: “Njani mi pimisa kubiha timbiluni kwanu kani?

Dhaniyeli 2:30

Se ani ni wonisilwe txihunja txiya, na i si nga ngu ku ani no va ni wutxhari wa hombe kupinda votshe vathu, aniko kasiku txhamuselo ya kona yi hoka ka mfumeli, ni ti to u pfisisa maalakanyo a mbilu yako.

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Jobe 9:7

txi wombako ka ditambo, se dona di si humi; kambe txi tsivela tinyeleti;

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Hoseya 12:6

Awe koko, hundulukela ka Txizimu txako; veka wunene ni kululama, kambe verela ka Txizimu txako, ngu ha ku si gwitiko.