Amosi 4:11 - Bhiblia Yo Sawuleka

¹¹ Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.

Amosi 4:11 Referans Kwoze

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

Isaya 13:19

Se Bhabhilona, ditiko do tshura, kupinda matiko otshe, adi Vakaldheya va ti dhumisako ngu dona, di na fana ni Sodhoma ni Gomora, mbimo yi Txizimu txi nga ma haxula.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Judha 1:23

hanyisani vamwani, mi va yokola ha mndiloni; ka vamwani kambe va pfeleni wusiwana, na mi txi ti wonela, mi txi nyenya hambi ni nguwo yawe, yi yi nga nyetwa ngu txionho txa mmidi.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

2 Pedro 2:6

Se, txona Txizimu txi abanisile ti to ma na hiswe madhoropa a Sodhoma ni Gomora, ma txi hinduka me maha dikhuma, na txi txi dinganisa ati ti nga ti fanete kumaheka ka vale va si laviko kuhanyela Txizimu;

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

1 Vakorinto 3:15

Se ngako mthumo wa m'thu wokari wu txihya, eyo a na luzekelwa, kambe ene a na poniswa, nga a to pinda ngu hagari ka mndilo.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Ezekhiyele 24:13

Amu ka wubihi wako ku ni nduma yo biha, nguko ni ku sawulekisile, aniko awe khwa ti sawulekisa; khu na mbiswa u sawulekiswa ka wubihi wako, ngako ni si leki ku ku henyela.

Jeremiya 49:18

Ku na nga kukhundumuswa ka Sodhoma ni Gomora, ni ka vaakelani vakwe, kuwomba Mkoma: Kha ku na mbi zumba m'thu eho, hambi ku mwanana wa m'thu e aka kona.

Varoma 9:29

Ngu toneto, Isaya a nga womba kale, a txi khene: “Idiku Mkoma wa Mabutho a Tiyimbi, a sa hi siyela miboti ya vanana, nga hi di lovile kufana ni Sodhoma ni Gomora.”

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

Isaya 7:4

Se u na khawe kwakwe: Ti wonele, u ti malalela; u nga thave, ni mbilu yako yi nga gume mtamo, ngu mhaka ya sikhwemu simbidi sa misonje, si pukukako wutshi, ngu mahaka ya kuhenya ka Rezimi, ni ka Siriya, ni ka mwana Remaliya.

Dhewuteronome 28:24

Mkoma a na leka kunisa mati, ditikoni kwako, a txi nisa dikhuma ni lithulu, asi si no kuwela, si txi ta ngu nzumani, kala kuza u txi lova.

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Jeremiya 50:40

Nga mbimo yile Txizimu txi nga lovisa Sodhoma ni Gomora ni vaakelani vakwe, kuwomba Mkoma; nga toneto ni wammweyo kha na mbi aka koneyo, hambi ni mwanana wa m'thu kha na mbi zumba.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Hagayi 2:17

Ni mi dayisile ngu wuhya, ni maralala ni kukura, ka wotshe mthumo wa manza anu; kambe kha ka ngava ni wammweyo hagari kwanu a nga tshumela kwangu, kuwomba Mkoma.