Amosi 3:5 - Bhiblia Yo Sawuleka

⁵ Txinyana txi nga wa hahatshi ku si nga ni txo txi riyela ngu txona kani? Txi nga ti heleketa hahatshi ka mlawu na kusina txo ya rola kani?

Amosi 3:5 Referans Kwoze

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Dhaniyeli 9:14

Ngu toneto, Mkoma a xayisile dikhombo diya, se e di tisa txitimwi kwathu; nguko Mkoma, Txizimu txathu a lulamile amu ka mithumo yakwe yotshe yi a nga yi maha, kambe kha hi engisi dipswi dakwe.

Jeremiya 31:28

Ku na maheka ati to, nga kule ni nga va emela kasi kudula ni kugangela, ni kuvhinganyisa, ni kukhundumusa, ni kuxanisa, ngu toneto ni na va wonelela, kasi kuaka ni kuphaya, kuwomba Mkoma.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Amosi 3:4

Ina ngonyamo yi nga bhonga txitingani na yi sa ñola txilo kani? Hambi txingonyamwana txi nga guleta dipswi diphalani na txi sa ñola txilo kani?

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?