Amosi 3:4 - Bhiblia Yo Sawuleka

⁴ Ina ngonyamo yi nga bhonga txitingani na yi sa ñola txilo kani? Hambi txingonyamwana txi nga guleta dipswi diphalani na txi sa ñola txilo kani?

Amosi 3:4 Referans Kwoze

Hoseya 11:10

Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.

Masalmo 104:21

Tingonyamo ta bhonga ti txi xota nyama, ti kombela ka Txizimu sakudya sa tona.

Amosi 1:2

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.

Amosi 3:8

Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Amosi 3:3

Ina vambidi va nga longoloka na va si na kupfana kani?

Amosi 3:5

Txinyana txi nga wa hahatshi ku si nga ni txo txi riyela ngu txona kani? Txi nga ti heleketa hahatshi ka mlawu na kusina txo ya rola kani?