Amosi 3:12 - Bhiblia Yo Sawuleka

¹² Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Amosi 3:12 Referans Kwoze

Isaya 31:4

Nguko Mkoma a ni gete tiya: Kufana ni kubhonga ka ngonyamo ni ka txingonyamwana, na ti di mani mpfimba wa tona, hambi ti txi rambelwa dibutho da vadyisi, kha ti dhukiswi ngu mapswi awe, hambi kututuma ngu kuthava wungi wawe. Ngu toneto, Mkoma wa Mabutho a Tiyimbi, a na txhika kuya lwela mmango wa Siyoni, ni tximangwana txa kona.

2 Vafumeli 16:9

Se mfumeli wa Asiriya a to mu engisa; sekoko mfumeli wa Asiriya a to lwisa didhoropa da Dhamasku e di teka, vathu va kona a to va tsulisa Kiri, se a to daya Rezini.

1 Vafumeli 22:25

Se Mikaya a to khene: U na ti wona ka dona ditshiku edo, mbimo yile u no wulela ka nyumba ni nyumba, u txi lava ko sisala.

1 Vafumeli 20:34

Se Bheni-Hadhadhe a to khene: Madhoropa ale ma nga honyolwa ngu tate wangu ka tate wako ni na kutshumetela, ti longisele sitarato so khukhela Dhamasku, ku nga tile a nga mahisa tona tate wangu ditikoni ka Samariya. Se ani kha Akabe, ni na kuleka u tsula ni txitumelelano txiya. A to maha nayo txitumelelano e mleka e tsula.

1 Vafumeli 20:30

Se avale va nga huluka va to thavela kuya didhoropani ka Afeki; se diguma di towa txitimwi ka 27.000 wa vavamna va va nga ti sate. Bheni-Hadhadhe koko, a to thavela kuya didhoropani, a txi sisala ka nyumba ni nyumba.

Amosi 6:4

Mi otelako ka mibhedhu ya makwasa a tinzofu, mi ti gwimba ha matahoni kwanu, mi dya tinvuta ta mitxhambi, ni marole ya hagari ka mitxhambi;

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

Esteri 1:6

Ku ti ti tshurisetwe ngu nguwo yo basa, ni ya mkungu ni ya mkuxe wa nzuma, ti di hayekilwe ka tingoti ta linyu yo hehuka ni ya txiwunguwungu, ni sikhweketo sa silivhela, ni ka tiphande ta marigwi a lisima; mibhedhu i ti ti ya nzalama ni ya silivhela, txitimwi ka marigwi o basa, ni a lisima, ni ya alabhastru, ni ya marigwi a lisima.

Esteri 7:8

A di khukhile koko mfumeli ngu thembweni ka nyumba ya wukoma e wuya nyumbani ka m'buso wa hombe wa vhinya, Hamani a ti ti khizamile ewa ngu khohe hahatshi ka txikhalo txile Esteri a nga ti ka txona. Sekoko mfumeli a to khene: Ina a lavile kukurumeta msikati wa mfumeli masoni kwangu, nyumbani muwa kani? Ngako di ti humile dipswido ngu txitsofuni ka mfumeli, va to fenengeta khohe ya Hamani.

Masalmo 132:3

“Kha ni na mbi wulela nyumbani kwangu, kambe kha ni na mbi otela ha ditahoni kwangu;

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.

Isaya 17:7

Ka ditshiku dile, m'thu a na wonetela M'vangi vakwe, maso akwe ma na wonetela Msawuleki wa Israyeli.