Amosi 2:6 - Bhiblia Yo Sawuleka

⁶ Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.

Amosi 2:6 Referans Kwoze

Joyeli 3:3

Va xaxuvile tixolo ka vathu vangu, ve ningela mfana ka digelegele, va xavisile dihorana ngu vhinya ve sela.

Joyeli 3:6

Mi xavisile vanana va ka Judha ni va Jerusalema ka vanana va Vagriki, kasi ku va yisa kule ni mihingano yawe.

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

2 Vafumeli 18:12

Aniko kha va londisa dipswi da Mkoma, Txizimu txawe; va to hambunyeta txitumelelano txakwe, ni totshe tile Mosi, txithumi txa Mkoma, a nga ti ti va leletete; kha va ti pfisisa hambi ku ti maha.

2 Vafumeli 18:11

Se mfumeli wa Asiriya a to teka Israyeli e mtsulisa Asiriya; kambe a to va maha ve tsuliswa Hala ni Habhori, hafuhi ni mnambo wa Gozani, ni ka madhoropa ya Vamidhiyani.

Ezekhiyele 22:13

Wona taku, ni pekile manza ngu mhaka ya kufelela kwako aku u nga kumaha, ni mnoha wu wu nga theketwa kwako

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Zakariya 11:5

eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.