Amosi 2:4 - Bhiblia Yo Sawuleka

⁴ Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Amosi 2:4 Referans Kwoze

Ezekhiyele 20:24

nguko kha va thumisa milayo yangu, kambe va lekile sileleto sangu, ve nyenyezisa Masabbata angu, maso awe ma rendekete ka sithombe sa vatate vawe.

Ezekhiyele 20:16

Nguko va lekile milayo yangu, kha va tsimbila ngu sileleto sangu, kambe va onhetete Masabbata angu; nguko mbilu yawe yi ti ti londetela msana ka sithombe sawe.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.

Isaya 28:15

Nguko mi khanu: Hi mahile txitumelelano ni lifo, hi mahile txitumelelano ni wukhalo wa vafi; mbimo yi ku no pinda ndambi ya txitsayiso, kha yi na mbi hi hokela, nguko hi tekile makuhu hi ma maha wuthavelo wathu, se hi baramile hahatshi ka wukanganyisi.

Varoma 1:25

Vonavo va to phindula ditshuri da Txizimu ve di maha makuhu, ve khozela ni kuthumela siwumbwa, ve leka Muwumbi, awu a fanelako kubongwa ngu malembe ni malembe. Amen.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Ezekhiyele 20:18

Aniko ani ni ti khani ka vanana vawe amu txiwulani: Mi nga tsimbileni ngu sileleto sa vatate vanu, kambe mi nga xayiseni milayo yawe, hambi kutinyenyezisa ngu sithombe sawe.

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Nehemiya 1:7

Athu, ngu ka totshe hi kuonhete, kambe kha ha xayisa milayo yako, hambi sileleto, mwendo sirumo si u nga leleta Mosi, txithumi txako.

2 Vafumeli 17:19

Hambi Judha kha vekisa milayo ya Mkoma, Txizimu txakwe; aniko a to tsimbila ngu sileleto sile si nga mahwa ngu Israyeli.

1 Pedro 1:18

Ma tiziva ti to mi tirutwe ka mahanyelo o mbi vhuna txilo, aawa mi nga ma mana ka vatate vanu; mi tirutwe na i si nga ngu simaha si si sinako, kufana ni silivhela mwendo nzalama;

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Hoseya 6:11

Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.

Ezekhiyele 22:28

Kambe vaprofeti va kona va ti maha dibumba da kwa mbi patelwa, va txi wona kwa mbi nyawula, va txi va gela makuhu va txi kha vona: Mkoma Txizimu a khene; na a sa womba txilo Mkoma.

Ezekhiyele 22:8

U txhipisile siya sangu so sawuleka, kambe u nyenyezisile Masabbata angu.

Ezekhiyele 20:30

Ngu tona eto, womba ka nyumba ya ka Israyeli u txi khawe: Mkoma a khene: Anu mi ti nyenyezisa mipune kufana ni vatate vanu ngu txani kani? Mi txi mahetela ta manyala kani?

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Jeremiya 16:12

Kasiko koko anu mi mahile to biha ni kupinda vatate vanu; nguko mmweyo ni mmweyo wanu a ta so mbetete e bangisa mbilu yakwe yo biha, ti taku mi si ni engisi.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

2 Makronika 30:7

Mi nga maheni ta kufana ni vatate vanu ni vananu ava va nga leka Mkoma Txizimu txa vatate vawe kala kuza ve ti ningela tiphangoni ku nga ha mi ti wonako.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Amosi 1:3

Mkoma a womba tiya: Ngu kuhambunyeta kuraru ka Dhamasku ni ka wumune, kha ni na mbi thavisa txitsayiso, nguko va xanisile Gileyadhi ngu mikondo ya tisimbi to thola.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

2 Makronika 25:14

Ku to maheka taku, msana ka kuva Amaziya a di dayete Vaedhomi, a to wiya adi rwate sizimu sa vanana va ka Seyiri, se e ta simaha sizimu sakwe, e si khizamela, e si hisela dibaselo.

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Hoseya 12:3

A di ngadi mndani a ñote txizenende txa mwanawe, se ngu mtamo wakwe, ku nga mthangeli, a lwite ni Txizimu.