Amosi 2:15 - Bhiblia Yo Sawuleka

¹⁵ A wu a nga ñola wulaho kha na mbi ema, ni wu aku ni livilo kha na mbi huluka, hambi ni ka kudotho, a wu a tsulako a di gadhile dihantxhi kha na mbi hulukisa wutomi wakwe.

Amosi 2:15 Referans Kwoze

Ezekhiyele 39:3

Kambe ni na thavisa wulaho ka dianza dako da txibhabha, ni wisa tingove ti ku ka dianza dako da txinene.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.

Jeremiya 51:56

Nguko mxaseli wata txitimwi ka dona, txitimwi ka Bhabhilona, tindena takwe ti na ñolwa, ma funyetetwe malaho a tona: Nguko Mkoma Njizimu txo tshumetela, a na pharela.

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.