Amosi 2:14 - Bhiblia Yo Sawuleka

¹⁴ Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Amosi 2:14 Referans Kwoze

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Jeremiya 25:35

Vadyisi va na pwata nzila yo pfodola ngu yona, ni vahombe va mtxhambi kha va na mbi huluka.

Jeremiya 39:4

Ku ti ngako Zedhekiya mfumeli wa ka Judha, ni votshe valwi va yimbi va di va wonile, va to pfodola ve huma didhoropani ni wusiku, ngu nzila ya thembweni ka mfumeli, ngu ka txike txi txi ku hagari ka maguma mambidi, ve huma ngu nzila ya Arabha.

Amosi 5:9

Ngene a wu a lovisako vathu va mtamo, a lovisako ni miti ya vona ya mikhokhola.