Amosi 2:13 - Bhiblia Yo Sawuleka

¹³ Wonani ti taku ni na mi kamareta ha wukhaloni kwanu, ku nga kukama ka txikotxikani txo tala ngu tinyanda.

Amosi 2:13 Referans Kwoze

Isaya 1:14

Mibuso yanu ya kumeka ka mtxima, ni mibuso yanu ya hombe ngutu yi henyisa muhefemulo wangu; konkuwa ta ni nemelela; se ni karate ngu kuxaniswa ngu sona.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Ezekhiyele 16:43

Ngako u nga mbi alakanya masiku a wuhorana wako, u txi ni wusela kuhenya ngu totshe tiya, wona taku ni na kutshumetela madingano ni mithumo yako, kuwomba Mkoma Txizimu, kambe khu na mbi ngadi u maha to hambana, ta manyala.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Isaya 43:24

Khwa ni xavela ngu male, litshava lo bhumulisa, hambi ku ni khurisa ngu mafura a miphaxo yako, kambe u ni ningile mthumo ngu sionho sako, se u ni karalisa ngu wubihi wako.

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Mitengo 7:3

se va to ningela masoni ka Mkoma, mtxhanu wa sikotxikani ni tximwetxo si nga fenengetwa, ni digumi da tihomu ni timbidi, txikotxikani tximwetxo i ti vathangeli vambidi ni homu yimweyo ka mthangeli mmwani ni mmwani. Va to si ningela masoni ka nyumba yo sawuleka.

Jobe 39:12

Mwendo u na yi themba kuya teka siyalo, se a txi si tisa mu u hulako kona kani?