Amosi 2:11 - Bhiblia Yo Sawuleka

¹¹ Se hagari ka vanana vanu, ni sawute vaprofeti, ni hagari ka mazambi anu ni sawute Vanazira. Ina hi nga tona tiya vanana va ka Israyeli kani? Kuwomba Mkoma.

Amosi 2:11 Referans Kwoze

Jeremiya 7:25

Kukhukhela ditshiku di vatate vanu va nga khukha ngu dona ditikoni ka Egipta kala kuwa, ditshiku ni ditshiku, i di ngadi mixo, ni rumete kwanu sithumi sangu sotshe, i ku vaprofeti.

Mika 2:6

Mi nga profeteni; ava va profetako, va nga profete ngu mahelo yiya, nguko ku nga humelela tingana.

Sidilo 4:7

Tinganakana ta Jerusalema ti ti basile kupinda gapongo, ti ti basile kupinda ni masi; mimidi ya tona yi ti tshurile kupinda so bomba ngu sona yi txi phatima ngutu ta tinene.

Jeremiya 26:11

Vaphaxeli ni vaprofeti va to gela tinduna ni vathu votshe, va txi kha vona: Awuwa m'thu a fanetwe ngu kufa, nguko a profetile e wukela didhoropa diya, nga ha mi nga tipfa ngu tinzeve tanu.

Jeremiya 11:21

Ngu konaho, Mkoma a womba tiya ngu vathu va Anatote, ava va lavako ku kudaya, va txi kha vona: U nga profete ditinani ka Mkoma, kasi u si feli manzani kwathu!

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

2 Makronika 36:15

Mkoma Txizimu txa vatate vawe a va rumete dipswi dakwe ngu mitumi yakwe, nguko Mkoma a pfete wusiwana vathu vakwe ni Nyumba yakwe.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

2 Vafumeli 6:1

Se vanana vavaprofeti va to kha vona ka Elizewu: Wona ti taku wukhalo wu hi zumbako ka wona kumweko ni nawe mbudotho ngutu.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

1 Vafumeli 20:41

Se ene a to kuluveta e ti huphutela dikhuma khoheni kwakwe; se mfumeli wa ka Israyeli, a to wona taku mmweyo wa vaprofeti.

1 Vafumeli 20:35

Sekoko mmweyo ka vavamna vale i ku vanana va vaprofeti, a to khene ka mkwawe madingano ni dipswi da Mkoma: Ni peke. Se wamwamna wule a to lamba ku mpeka.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Samuwele 19:20

Sekoko Sawule a to rumela mitumi yo londeta Dhavhidha, avale va nga wona mtxawa wa vaprofeti va txi profeta, eho a nga ti kona Samuwele a txi vathangela; se Moya wa Txizimu wu tota txitimwi ka mitumi ya Sawule, ni vona va to profeta.

1 Samuwele 3:20

Se dotshe ditiko da Israyeli, kukhukhela Dhani kala Bherisebha, va to ziva ti to Samuwele a vekilwe kumaha mprofeti wa Mkoma.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Mithumo 4:18

Se va to va dhana ve va leleta ngutu, ti taku va si thuki ve womba-womba, hambi i di kugondisa ngu ditina da Jesu.