Amosi 2:10 - Bhiblia Yo Sawuleka

¹⁰ Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.

Amosi 2:10 Referans Kwoze

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Amosi 3:1

Engisani mapswi ya a mi kawukako ngu ona Mkoma, anu vanana va ka Israyeli, o kawuka lotshe liveleko li ni nga li humisa ngu Egipta, a txi khene:

Mithumo 13:18

Se ngu mtamo wa diwoko da txona txi va humisile ka ditiko dileya, txi va mahela wumbilu txiwulani, mndani ka malembe o lava kudingana mune wa magumi.

Mithumo 7:42

Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Amosi 9:7

Ina hi nga anu vanana va ka Israyeli kwangu, nga vanana va Vaetiyopia kani? Kuwomba Mkoma. Ina kha na kwelelisa vanana va ka Israyeli ngu ditikoni ka Egipta, ni Vafilista ngu Kafitori, ni Vasiriya ngu Kiri kani?

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Ezekhiyele 20:10

Se ni va humisile Egipta, ni txi va tsulisa txiwulani.

Masalmo 95:10

Mune wa magumi a malembe ni swirekile,” niza ni txi khani: “Vathu vava va timbilu tawe ta va timeta, kambe kha va si zivi sileleto sangu!”

Nehemiya 9:21

Se ngu mamaheloyo u va xayisile txiwulani mune wa magumi a malembe, kha va pwata txilo, syambalo sawe kha siya sakala, ni minenge yawe kha ya simba.

Dhewuteronome 1:39

Ni vanana vanu, avale mi nga txi khanu va na ñolwa ve maha tikhumbi, vanana vanu avale va sinziko kuziva kuhambanisa ta tinene ni to biha, ngu vona va no wulela kona; ani ni na va ninga dona ditikodo, va txi di fuma.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Mitengo 21:25

Ngu koneho, Israyeli a to honyola otshe madhoropa, e zumba ka ona a Vaamori, amu Hesibhoni ni otshe madhoropa ma nga ti hahatshi kwawe.

Joxuwa 13:4

kukhukhela wulambwe, ni dotshe ditiko da Vakanana ni Meyara, i ku da Vasidhoni kala Afeka, m'hinganoni ka Vaamori;

Mitengo 13:32

Konaho va to xawutela kubiha masoni ka vanana va ka Israyeli, ngu ditikodo va nga ya di xola, va txi kha vona: “Ditiko hi ngaya ka dona, ditiko do dayela vaaki va dona; votshe vathu va hi nga va wona mbo lapha ngutu.

Mitengo 32:13

Ngu toneto, ku to tura kuhenya ka Mkoma, e wukela va ka Israyeli, e va maha ve tsimbila ve txheka, liza li guma lotshe liveleko lile li nga ti mahile wubihi, masoni ka Mkoma.

Joxuwa 24:8

Sekoko ani ni mi wuyisile mi txi ta wulela ditikoni ka Vaamori, ava va nga ti akile mtxhatuko ka Jordhani, vona va lwile ni nanu, kambe ani ni va ningete manzani kwanu, kala kuza mi txi teka ditiko dawe, se ani ni va lovisile masoni kwanu.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”