Amosi 1:7 - Bhiblia Yo Sawuleka

⁷ Ngu toneto, na veka mndilo ka diguma da Gaza, se wu na tshokomisa tinyumba ta wukoma.

Amosi 1:7 Referans Kwoze

Zefaniya 2:4

Nguko Gaza a na lekwa, se Axikaloni a na maha dirumbi; Asidhodhi a na tutumiswa hagari ka mitshikari, se Ekroni a na ruriswa.

Jeremiya 47:1

Dipswi da Mkoma di nga ta ka mprofeti Jeremiya, do wukela Vafilista, Faro a sanzi kupeka Gaza.

2 Vafumeli 18:8

A to lwisa Vafilista kala Gaza kala mihinganoni ka kona, kukhukhela ka txidingililelo txa vawoneleli kala ka didhoropa do tsana.

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Amosi 1:4

Ngu toneto, ni na veka mndilo mitini ka Hazayeli, se wu na tshokomisa tinyumba ta wukoma ta Bheni-Hadhadi.

2 Makronika 26:6

Se a to huma ni yimbi yakwe a yalwa ni Vafilista, a to khundumusela diguma da Gati, ni diguma da Jabhini ni da Asidhodhi, a to aka madhoropa ditikoni da Asidhodhi ni ditikoni da Vafilista.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

Ezekhiyele 30:8

Se va na tiziva taku ani ngani Mkoma, aha ni no hisa Egipta ngu mndilo, va txi fuviswa votshe vale va nga ti ti m'vhunetela.

Ezekhiyele 39:6

Se ni na rumela mndilo txitimwi ka Magoge, ni hagari ka vale va zumbako ko tsana sitondoloni; va na tiziva taku ani ngani Mkoma.

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.

Amosi 1:8

Kambe ni na heta va va zumbako Asidhodhe, ni wule a ku ni ndonga ya Asikaloni, se ni tshumeta dianza dangu di txi ya ka Ekroni; se Vafilista va va no sala va na lova, kuwomba Mkoma Txizimu.