Amosi 1:5 - Bhiblia Yo Sawuleka

⁵ Ni na faya matimba a tisimbi a Dhamasku, kambe ni na heta va va zumbako Bhikeyati-Avheni, ni va Bheti-Edheni; se vathu va Siriya va na tekwa ve yiswa wukhumbini, kona Kiri, kuwomba Mkoma.

Amosi 1:5 Referans Kwoze

2 Vafumeli 16:9

Se mfumeli wa Asiriya a to mu engisa; sekoko mfumeli wa Asiriya a to lwisa didhoropa da Dhamasku e di teka, vathu va kona a to va tsulisa Kiri, se a to daya Rezini.

Amosi 9:7

Ina hi nga anu vanana va ka Israyeli kwangu, nga vanana va Vaetiyopia kani? Kuwomba Mkoma. Ina kha na kwelelisa vanana va ka Israyeli ngu ditikoni ka Egipta, ni Vafilista ngu Kafitori, ni Vasiriya ngu Kiri kani?

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Jeremiya 50:36

Di nata ditxhari txitimwi ka va makuhu, kha va na mbi pfa txilo: Ditxhari di nata txitimwi ka tindena tawe, ti na tsivala.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

Isaya 22:6

Nguko Elamu a tekile wulaho, ni sikotxikani sa vavamna ni vagadhi va mahantxhi; se Kiri a humisa sitxhavangu.

Ezekhiyele 27:23

Harani, ni Kane, ni Edheni, i ku vanyamabhindu va Sabha, Asuri ni Kilimadhe, va ti ti xaviselana ni nawe.

2 Vafumeli 14:28

Kasi ngu wungi wa mithumo ya Jerobhowamu, ka totshe tile a nga maha, ni mtamo wakwe, a tile a nga lwisa tona e wuyisa madhoropa a Dhamasku ni Hamati, ma lumbako Judha, na i di mfumeli wa Israyeli, ina ti nga va ti sa bhalwa amu ka dibhuku da Matimu a Vafumeli va ka Israyeli kani?

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

Ezekhiyele 30:17

Majaha a Avheni ni a Pi-Bheseti va na dawa ngu ditxhari, se madhoropa awa ma nava wukhumbini.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.