Amosi 1:4 - Bhiblia Yo Sawuleka

⁴ Ngu toneto, ni na veka mndilo mitini ka Hazayeli, se wu na tshokomisa tinyumba ta wukoma ta Bheni-Hadhadi.

Amosi 1:4 Referans Kwoze

Jeremiya 49:27

Ni na dhivela mndilo digumani ka Dhamasku, awu wu no hisa tinyumba ta hombe ta Bhenadhadhi.

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

2 Vafumeli 13:25

Se Jehowasi, mwana Jehowakazi, a to tshumela e honyola kambe madhoropa manzani ka Bheni-Hadhadhe, a ngadi ma tekile ngu kulwa manzani ka tate wakwe Jehowakazi, Jehowasi a to lwa kuraru, e teka kambe madhoropa a ka Israyeli.

2 Vafumeli 13:3

Ngu kumaha keto, kuhenya ka Mkoma ku to tura ka Israyeli, e va ningela manzani ka Hazayeli, mfumeli wa Siriya, ni manzani ka Bheni-Hadhadhe mwana Hazayeli, ka otshe masiku wawe.

2 Vafumeli 6:24

Msana keto, ku to maheka ti to Bheni-Hadhadhe, mfumeli wa Siriya, e tshanganisa otshe masotxhwa akwe; a to kwelela eya randela Samariya.

Amosi 2:5

Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.

Amosi 2:2

Ngu toneto, na veka mndilo ka Mowabhi wu na tshokomisa tinyumba ta wukoma ta Keriyoti; se Mowabhi a na fela hagari ka diguwa da hombe, ni sidilo ni kuveta ka titshodi.

Amosi 1:14

Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

Amosi 1:12

Ngu toneto, ni na veka mndilo kona Temani, se wona wu na tshokomisa tinyumba ta wukoma ta Bhozira.

Amosi 1:10

Ngu toneto, ni na veka mndilo ka diguma da Tiro, se wu na tshokomisa tinyumba tawe ta wukoma.

Amosi 1:7

Ngu toneto, na veka mndilo ka diguma da Gaza, se wu na tshokomisa tinyumba ta wukoma.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Ezekhiyele 39:6

Se ni na rumela mndilo txitimwi ka Magoge, ni hagari ka vale va zumbako ko tsana sitondoloni; va na tiziva taku ani ngani Mkoma.

Ezekhiyele 30:8

Se va na tiziva taku ani ngani Mkoma, aha ni no hisa Egipta ngu mndilo, va txi fuviswa votshe vale va nga ti ti m'vhunetela.

2 Makronika 16:2

Sekoko, Asa a to thavisa yotshe silivhela ni nzalama yi nga ti sate ka tithomba ta Nyumbani ka Mkoma, ni mu ka tithomba ta nyumbani ka mfumeli, e si rumela ka Bheni-Hadhadhe, mfumeli wa Siriya, a nga txi zumba Dhamasku, a txi khene:

1 Vafumeli 19:15

Se Mkoma a to khene ka Elija: Tsula, tshumela ngu nzila yako u ya txiwulani ka Dhamasku, u txi ya tota Hazayeli kuva mfumeli wa Siriya.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.