Biblia Todo Logo
Bib sou entènèt

- Piblisite -




Amosi 1:14 - Bhiblia Yo Sawuleka

14 Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

Gade chapit la Kopi




Amosi 1:14
20 Referans Kwoze  

Ngu toneto, na veka mndilo ka Mowabhi wu na tshokomisa tinyumba ta wukoma ta Keriyoti; se Mowabhi a na fela hagari ka diguwa da hombe, ni sidilo ni kuveta ka titshodi.


Ngu toneto, mata masiku, kuwomba Mkoma, aha ni no pfalisa diguwa da yimbi ya Rama yo wukela vanana va Amoni, a na maha mmumbu wa marumbi ni makhalo ya a ma fumelako ma na hiswa ngu mndilo; Israyeli a na lumbwa ngu vale a nga txi va lumba, kuwomba Mkoma.


(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)


Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.


Ngu kumaha keto, Jowabhi a to lwa ni didhoropa da Rabha, da vanana va ka Amoni, e teka didhoropa da wukoma.


Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.


Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.


Ni na maha ti to Rabha eva wudyiselo wa makamelu, ni vanana va ka Amoni veva txibala txa tinvuta; kambe mi na tiziva taku ani ngani Mkoma.


Nguko otshe matxhari a vale va nga lwa yimbini, ni syambalo sile si nga phutela mnoha, si na rinzwa mndiloni, si txi hiswa.


va tutumise nawe ngu txihuhuri txako, u txi va hinga ngu txingulu txako!


Mbimo yi ku pfalako mipundu, di kha dona: Ti nave! Se ngu kule di nungetela yimbi, ni ku diguwa da vathangeli ni tshodi.


Se ku to maheka ta ku, ku di pindile dilembe dimwedo, ka mbimo yile vafumeli va nga huma veya kulwani, Dhavhidha a to rumela Jowabhi, kumweko ni sithumi sakwe, ni votshe va ka Israyeli, kuya xasela vanana va ka Amoni ni kuya randela Rabha; kambe Dhavhidha a to sala kona Jerusalema.


Se ku to maheka taku, ku di pindile dilembe dimwedo, ka mbimo yile vafumeli va nga ti tolovela kuhuma veya kulwani, Jowabhi a to teka dibutho da yimbi, eya xasela ditiko da vanana va ka Amoni, se va to ta randela Rabha; kambe Dhavhidha a to sala kona Jerusalema; se Jowabhi a to xasela Rabha e mkhundumusa.


U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.


Wonani txivhunguvhungwani txa Mkoma, i ku txiviti txakwe, txi vhilukile ngutu, txi fanana ni txingulu; txi na wa txitimwi ka misungo ya va vo biha.


U na kombisa nzila ayi di nota ngu yona ditxhari do lwisa vanana va Amoni, ditikoni ka Rabha, ni kulwisa Judha, kona Jerusalema, didhoropa da kutsaniswa.


Ka didhawa dakwe da txinene, ku na hutetelwa madingano ni Jerusalema, kasi kugela vale va nga emeleta ve khata kuxasela, va txi kwangula ngu kutsaka ka hombe, vaemeleti ve guleta siparako sa matimba, ve aka txitezi txa vavhikeli.


wona taku ni na nawuluta dianza dangu ni txi kulwisa, se ni na kuningela u handwa ngu matiko, ni txi ku dula hagari ka matiko, kambe ni na kuhasamula hagari ka matiko; se u na tiziva ti to ani ngani Mkoma.


Se a to tisa vathu vale va nga ti ti ka dona, e va veka amu ka mthumo wa masaho, ni mithumoni ka misuka, ni ka matxhapu, e va pindisa ngu ka sikho sa sitini; se a to mahisa toneto ka otshe madhoropa a vanana va ka Amoni. Dhavhidha ni votshe vathu va to tshumela ve wuya Jerusalema.


Awe mthangeliwe wa muonhi wa ka Israyeli, awe u no hokelwa ngu ditshiku do biha ngutu;


Swiv nou:

Piblisite


Piblisite