Amosi 1:13 - Bhiblia Yo Sawuleka

¹³ Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Amosi 1:13 Referans Kwoze

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Ezekhiyele 35:10

Hambiko u ku khawe: Vathu ni matiko mambidi si na maha sangu, si na hi lumba, nguko Mkoma a ti ti ho koneyo,

Isaya 5:8

Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Amosi 1:3

Mkoma a womba tiya: Ngu kuhambunyeta kuraru ka Dhamasku ni ka wumune, kha ni na mbi thavisa txitsayiso, nguko va xanisile Gileyadhi ngu mikondo ya tisimbi to thola.

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

2 Makronika 20:10

Wona vanana va ka Amoni ni va ka Mowabhi ni vanana va mimangoni ka Seyiri, ava u nga va lambela kuva txi pinda ngu Israyeli, mbimo yi va nga ti wuya ngu ditikoni da Egipta, se va to va vayilela va si valovisi.

2 Makronika 20:1

Msana keto, vanana va ka Mowabhi ni vanana va ka Amoni ni vamwani Vaamoni va to lwa ni Josafati.

2 Vafumeli 24:2

Se Txizimu txi to rumela Vakaldheya kuya lwisa Jehoyakimu, ni masotxhwa a Vasiro, ni masotxhwa a va ka Mowabhi, ni masotxhwa a vanana va Amoni; a to va rumela kuya lwisa Judha, kasi kuya va fuvisa, madingano ni dipswi dile Mkoma a nga ngadi womba, ngu mthumoni ka sithumi sakwe, i ku vaprofeti.

Dhewuteronome 2:19

se u na hoka ka vanana va ka Amoni; u nga va lwise, kambe u nga va vhuke, nguko ani kha ni na mbi kuninga tximaha ni txa tximwetxo txa ditiko da vanana va ka Amoni; nguko ani ni di ningete ka vanana va Loti, di txi maha thomba yawe.

Masalmo 83:7

ngu Vagedhali, Vaamoni ni Vaamaleki, Vafilista ni vaaki va Tiro

2 Vafumeli 15:16

Sekoko Menayemi a to khundumusa didhoropa da Tifisa, ni votshe vale va nga ti tiho ka dona, a mahisileto nguko didhoropa di sa tumela kukhoza masoni kwakwe; a to va lwisa, se e bhandelela ngu hagari votshe vavasikati vale va nga ti ni sirumbu.

Jeremiya 25:21

ni Edhomi, ni Mowabhi, ni vanana va Amoni;

2 Samuwele 12:31

Se a to tisa vathu vale va nga ti ti ka dona, e va veka amu ka mthumo wa masaho, ni mithumoni ka misuka, ni ka matxhapu, e va pindisa ngu ka sikho sa sitini; se a to mahisa toneto ka otshe madhoropa a vanana va ka Amoni. Dhavhidha ni votshe vathu va to tshumela ve wuya Jerusalema.

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

Ezekhiyele 25:1

Se di tile kwangu dipswi da Mkoma, di txi ta kha dona:

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.