Amosi 1:10 - Bhiblia Yo Sawuleka

¹⁰ Ngu toneto, ni na veka mndilo ka diguma da Tiro, se wu na tshokomisa tinyumba tawe ta wukoma.

Amosi 1:10 Referans Kwoze

Zakariya 9:4

Wonani ti to Mkoma a na mxasela, ni kutshotsha mtamo wakwe lineneni, se ene a na loviswa ngu mndilo.

Amosi 1:7

Ngu toneto, na veka mndilo ka diguma da Gaza, se wu na tshokomisa tinyumba ta wukoma.

Amosi 1:4

Ngu toneto, ni na veka mndilo mitini ka Hazayeli, se wu na tshokomisa tinyumba ta wukoma ta Bheni-Hadhadi.

Ezekhiyele 26:12

Se va na pa tithomba tako, va txi handa siya sako, ve khundumusela maguma ako, ni kukhundumusela tinyumba tako ta lisima; ni marigwi ako, ni mapulango ako, se lithulu lako va na li xwaya hagari ka mati.

Jeremiya 47:4

ngu mhaka ya Ditshiku dile di tako da kuxaselwa ka Vafilista, ku ta wila ka Tiro ni Sidhoni, votshe vale va nga ti salela ku va vhikelwa; nguko Mkoma a na hasamula Vafilista vale va nga sala txitondoloni ka Kafitori.

Ezekhiyele 26:4

Ona ma na khundumusa maguma a Tiro ni sitezi sa kona, kambe ani ni na hiyela lithulu la kona, ni wumba dirigwi do kenyeka.

Ezekhiyele 28:18

Ngu mhaka ya kutala ka wubihi wako, ni wukwewu wako wo dyelela u nyenyezisile tinyumba tako to sawuleka: Ani koko ni humisile mndilo ngu hagari kwako wu txi kutshokomisa, kambe ni kumahile dikhuma txitimwi ka mafu, masoni ka votshe vale va kuwonako.

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.