Amosi 1:1 - Bhiblia Yo Sawuleka

¹ Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu.

Amosi 1:1 Referans Kwoze

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Amosi 7:14

Amosi a xamula ka Amaziya a txi khene: Ani ni si nga mwanana wa m'profeti, mwendo mprofeti, kambe ni ti m'fuyi wa tihomu, ni mphayi wa mikuwu.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

2 Makronika 11:6

A to aka koko, Bhetlehema, ni Etami, ni Tekowa,

1 Vafumeli 19:19

Elija a to khukha ngu hale, eya manela Elixa mwana Safati, a nga ti dima ngu mipatwa ya digumi ni yimbidi ya tihomu masoni kwakwe, se a ti ni mpatwa wo gwitisa. Elija a to mtshuketela e msanzeka dijasi ha makata kwakwe.

2 Samuwele 14:2

a to rumela vathu veya Tekowa, kuya teka wamsikati wa wutxhari, a txi ta khene kwakwe: Ti mahise u txi nga u to felwa; ambala syambalo sa mizila, u nga tole mafura, mahisa ku nga wamsikati wule a ku ni masiku amangi ni mizila ngu mhaka ya kufelwa.

Jeremiya 1:1

Dipswi da Jeremiya, mwana Hilikiya, mmweyo wa vaphaxeli va nga ti ti Anatote, ditikoni ka Bhenjamini.

Isaya 1:1

Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

2 Vafumeli 14:23

Ka dilembe da digumi ni mtxhanu da kufuma ka Amaziya, mwana Jehowasi, mfumeli wa ka Judha, Jerobhowamu mwana Jehowasi mfumeli wa ka Israyeli, a to khata kufumela Samariya, a to fuma mune wa magumi a malembe ni dilembe dimwedo.

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Mika 1:1

Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.

Hoseya 1:1

Dipswi da Mkoma di nga wombwa ka Hoseya, mwana Bheyeri, ka masiku a Uziya, Jothamu, Akazi, ni Ezekhiya, vafumeli va ka Judha, ni ka masiku a Jerobhowamu, mwana Jowasi, mfumeli wa ka Israyeli.

2 Vafumeli 14:21

Se votshe vathu va ka Judha va to teka Azariya, a nga ti ti ni digumi da malembe ni mtxhanu ni dimwedo, va to mfumisa wukhaloni ka tate wakwe Amaziya.

Jeremiya 7:27

Ngu konaho u na va gela totshe timhaka tiya, kambe kha va na mbi engisa; u na va dhana, va si ku xamuli.

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.

Jeremiya 28:8

Vaprofeti va va nga ti tiho masoni kwangu ni masoni kwako, kukhukhela kaleko va to profetela matiko o tala ni mifumo ya hombe, ati taku ku na vaho yimbi ni makhombo ni mitungu.