2 Vafumeli 9:3 - Bhiblia Yo Sawuleka

³ Se u teka ngoto ya mafura, u ma thela ha msungo kwakwe u txi khawe: Mkoma a khene: Ni ku totile kuva mfumeli txitimwi ka Israyeli. Sekoko u tula ditimba u tutuma, u nga zumbe.

2 Vafumeli 9:3 Referans Kwoze

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Dhaniyeli 2:1

Ka dilembe da wumbidi da kufuma ka Nebhukodhonosori, Nebhukodhonosori a to lora miloro yokari, se moya wakwe wu to karateka, kuza kuhangalaka ni wukohe wakwe.

2 Makronika 22:7

Sekoko kuloviswa ka Akaziya i ti ti kuranda ka Txizimu, ngu mhaka ya kuya ka Joramu, nguko mbimo yile a nga hoka a to xoma yimbi ni Joramu ve lwa ni Jewu mwana Ninisi, awule Mkoma a nga mtota kufuvisa nyumba ya ka Akabe.

2 Vafumeli 8:13

Se Hazayeli a to wotisa a txi khene: Ina yova txani txithumi txako, txi pindako yimbwa, txo txi nga za txi maha timhaka ta hombe kani? Elixa a to xamula ku khene: Mkoma a ni kombile to awe u na va mfumeli wa Siriya.

1 Samuwele 16:2

Kambe Samuwele a to khene: Ni na tsulisa kutxani ani, kani? Nguko a txo tipfa Sawule koko, a na ni daya. Sekoko Mkoma a to khene: Teka dirole da makati u tsula nado, u txi ya khawe: Ni tile kasiku ta mahela mphaxo Mkoma.

1 Samuwele 15:17

Se Samuwele a to khene: Hambi ku awe u ku m'dotho kuwonani kwako, khwa vekwa kuva mthangeli ka tihunzu ta ka Israyeli kani? Kambe Mkoma a ku totile kuva mfumeli txitimwi ka Israyeli.

1 Samuwele 15:1

Sekoko Samuwele a to khene ka Sawule: Mkoma a ni rumile ku ta kutota kuva mfumeli txitimwi ka vathu vakwe, i ku va ka Israyeli; Konkuwa koko, engisa dipswi da mahungu a Mkoma.

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Eksodha 29:7

U na teka mtona wa kutotwa ko gwitisa, u txi wuthela ha msungo kwakwe, se ngu toneto u na va u txi m'tota.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 26:7

a to mtshuketela mmweyo wamsikati, a di ni txikadyana txa alabhastru, txa mafura o bhumula ngutu, a txi ma thela ha msungo ka Jesu, mbimo yi ene a nga ti ha kudyani.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

2 Vafumeli 9:6

Sekoko a to khukha e wulela nyumbani, a to thela mafura ha msungo ka Jehu, a nje khene: Mkoma, Txizimu txa Israyeli, a khene: Ni ku totile kuva mfumeli txitimwi ka vathu va Mkoma, txitimwi ka Israyeli.