2 Vafumeli 9:1 - Bhiblia Yo Sawuleka

¹ Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

2 Vafumeli 9:1 Referans Kwoze

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

2 Vafumeli 4:29

Se Elixa a to khene ka Gehazi: Tsanisa txiwunu txako, teka mtxheketelo wangu ngu dianza dako, u tsula; u txi mana m'thu wokari u nga mlose; ni kungako wokari a txi kulosa, u nga mxamule; sanzeka mtxheketelo wangu ka khohe ya mfana.

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

2 Vafumeli 2:3

Sekoko vanana va vaprofeti va nga txi maneka Bheteli, va to huma veya ka Elixa va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Elixa a to khene hambi ani na tiziva kha kwati eto; anu malalani.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

1 Vafumeli 22:20

Se Mkoma a to khene: I mani a no xenga Akabe, a txi ya fela didhoropani ka Ramoti-Gileyadhi kani? Se mmweyo a txi wombisa ti, mmwani a txi womba tile.

1 Vafumeli 22:4

Sekoko Akabe a to khene ka Josafati: Se u na tsula ni nani kulwani, kona Remoti-Gileyadhi kani? Se Josafati a to khene ka mfumeli wa Israyeli: Ani ni na nga awe, ni vathu vangu va na nga va vako, hambi mahantxhi angu, nga mahantxhi ako.

1 Vafumeli 20:35

Sekoko mmweyo ka vavamna vale i ku vanana va vaprofeti, a to khene ka mkwawe madingano ni dipswi da Mkoma: Ni peke. Se wamwamna wule a to lamba ku mpeka.

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

Dhewuteronome 4:3

Maso anu ma ti woni, tile Mkoma a nga maha ngu Bhahali-Peyori; Mkoma, Txizimu txako, a lovisile hagari kwanu, votshe vale va nga londetela milayo ya Bhahali-Peyori.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Matewu 26:7

a to mtshuketela mmweyo wamsikati, a di ni txikadyana txa alabhastru, txa mafura o bhumula ngutu, a txi ma thela ha msungo ka Jesu, mbimo yi ene a nga ti ha kudyani.

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

2 Vafumeli 9:4

Sekoko mfana wule wa mprofeti, a to tsula Ramoti-Gileyadhi.

2 Vafumeli 2:5

Sekoko vanana va vaprofeti va nga txi maneka Jeriko, va to tshuketela ka Elixa, va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Hambi ani na tiziva kha kwati eto; anu malalani.

2 Vafumeli 2:7

Se mtxhanu wa magumi a vavamna, i ku vanana va vaprofeti, va to ema ngu masoni: Se vona ngu wumbidi wawe va to ema Jordhani.

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.

2 Makronika 22:1

Se vaaki va Jerusalema va to veka Akaziya, txigwitisa-ndani txakwe kuva mfumeli ha wukhaloni kwakwe, nguko mtxawa wule wu ngata wugoveloni ni Vaarabhi, wu date votshe vanana va hombe va mfumeli. Ngu kumaha keto, Akaziya, mwana Jehoramu, mfumeli wa Judha, a to fuma.

2 Makronika 22:5

Ngu mhaka ya kukuzetelwa ngu vona, a to khukha e tsula ni Joramu, mwana Akabhi, mfumeli wa Israyeli, ani yimbini ya ku yalwa ni Hazayeli, mfumeli wa Siriya, hafuhi Ramoti Gileyadhi; se Vasiriya va to dayisa Joramu.