2 Vafumeli 8:8 - Bhiblia Yo Sawuleka

⁸ Sekoko mfumeli a to khene ka Hazayeli: Teka txiningo manzani kwako, u hingeta m'thu wa Txizimu, a na ku wotisele ka Mkoma, a txi khene: Ina ni na kalamuka ka wulwati wuwa kani?

2 Vafumeli 8:8 Referans Kwoze

2 Vafumeli 1:2

Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?

1 Vafumeli 19:15

Se Mkoma a to khene ka Elija: Tsula, tshumela ngu nzila yako u ya txiwulani ka Dhamasku, u txi ya tota Hazayeli kuva mfumeli wa Siriya.

1 Samuwele 9:7

Sekoko Sawule a to khene ka dijaha dakwe: Ahi wone taku, ngako hi txi tsula koneyo, sekoko hi na tsula ni txani ka wamwamna wule, kani? Nguko timbuva tathu ti gumile, ni ku kha yi ngani txihiwa ni txa tximwetxo txo ya ninga m'thu wa Txizimu; I txani hi ku natxo kani?

Mithumo 16:30

Se ngako a di va humisile hahanze, a to khene kwawe: “Vanyamne, nji txani ni fanelako ku txi maha kufela ku ni hulukiswa kani?”

Luka 13:23

M'thu wokari a mu wotisile a txi khene: “Mkoma, ina mtengo wa vale va hanyiswako mbudotho kani?”

2 Vafumeli 5:5

Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.

2 Vafumeli 1:6

Vona va to xamula ku kha vona: Hi to manana ni wamwamna wokari a txi khene: Tshumelani mi tsula ka mfumeli wule a nga mi ruma, mi txi ya khanu: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani? Se ngu kumaha keto, khu na mbi txhika ngu ha m'bhedhuni, kha ditshuri u na fa.

1 Vafumeli 19:17

Se ku na maheka ti to awule a no huluka ka ditxhari da Hazayeli, a na dawa ngu Jehu, se awule a no huluka ka ditxhari da Jehu, a na dawa ngu Elixa.

2 Vafumeli 1:16

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.