2 Vafumeli 8:5 - Bhiblia Yo Sawuleka

⁵ Se mbimo yile Gehazi a nga txi geletela mfumeli ati Elixa a nga wusisa tona m'thu wo fa, awule wamsikati a to dila ka mfumeli, ngu mhaka ya nyumba yakwe ni mafu akwe, Gehazi a to khene: Awe mfumeli nyamne wangu, wamsikati wa kona ndiyo, ni mwanana wakwe, wule a nga wuswa ngu Elizewu.

2 Vafumeli 8:5 Referans Kwoze

2 Vafumeli 4:35

Se a to wuya, e ta tsimbila-tsimbila nyumbani mule, eya khe ni khe, e tshumela e kwelela, se a txi engeta e kwela, e ti nawuluta txitimwi kwakwe; sekoko mfana a to hefemula mtxhanu wa makhati ni mambidi, ni kutula maso.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

2 Vafumeli 6:26

Se mbimo yile a nga pinda mfumeli ngu ha digumani, wamsikati wokari a to peka huwa a txi khene: Ni lamulele awe mfumeli, nyamne wangu.

2 Vafumeli 6:12

Se mmweyo wa sithumi sakwe a to khene: Ku walo ni wammweyo, awe mfumeli, nyamne wangu. Aniko mprofeti Elixa a manekako Israyeli, ngene a zivisako ka mfumeli wa ka Israyeli, totshe ti u bhulako na u di nyumbani mu u otelako kona.

1 Samuwele 26:17

Sekoko Sawule a to ziva dipswi da Dhavhidha, a nje khene: Ina hi nga dipswi dako mwanangu Dhavhidha kani? Se Dhavhidha a to khene: Dispwi dangu, awe mfumeli, nyamne wangu!

Rute 2:3

A to tsula koko, eya roletela sitxatxa thembweni, ngu msana ka vaeluli; se a to kateka, e mana didhawa da thembwe ya Bhowazi, i nga ti ti wa liveleko la Elimeleki.

2 Vafumeli 4:12

Se a to khene ka txithumi txakwe Gehazi: Hi nga dhana wamsikatiyo wa msunami. Se a di dhanwi a to ta masoni kwakwe.

2 Vafumeli 8:6

Kambe mfumeli a to wotisa ka wamsikati, se ene e mxawutela; sekoko mfumeli a to mninga mthenwa, a txi khene: Mmahe e tshumetelwa sotshe si i ngadi sakwe, ni mabhindu a mafu, kukhukhela ditshiku dile a nga huma ditikoni kala kuwa.

1 Vafumeli 20:1

Se Bheni-Hadhadhe, mfumeli wa Siriya, a to sengeleta yotshe mitamo yakwe kumweko ni magumi mararu ni vambidi a vafumeli, ni mahantxhi, ni sikotxikani si a nga ti naso; se a to kwelela e randela Samariya e mlwisa.