2 Vafumeli 8:4 - Bhiblia Yo Sawuleka

⁴ Se mfumeli a to gela Gehazi, dijaha da m'thu wa Txizimu, a txi khene: Na ku kombela ti to u ni geletela mithumo ya hombe yi a tolovelako ku yi maha Elizewu.

2 Vafumeli 8:4 Referans Kwoze

Mithumo 24:24

Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Johani 9:27

Ene a va xamute a txi khene: “Ni wombile, mi txi tiengisa, i mhaka muni mi lavako ku tiengisa kambe kani? Kasi na nanu mi lava kumaha vagondiswa vakwe kani?”

Luka 23:8

Mbimo yi a nga wona Jesu, Herodha a to tsaka ngutu, nguko i ti kale, a txi vilela ku mu wona, ngu mhaka ya tiya a nga txi tiengisa va txi womba-womba ngu ngene, a txi rinzela ti to mwendo Ene a nga thuka a txi maha txixamaliso txokari masoni kwakwe.

Luka 9:9

Kambe Herodha a txi khene: “I di Johani, ni mu wite msungo; i nga va mani wuwa ni pfako timhaka takwe, to nga tiya kani?” Se e vilela ku mu wona.

Matewu 2:8

Se a txi va rumela Bhetlehema, a to va gela a txi khene: “Tsulani mi txi ya wotisela ta tinene mhaka ya mwananeyo; kambe ngako mi txi mu mana, ni ziviseni, kasiku nanani ni tsula ni ya mu khozela.”

2 Vafumeli 7:10

Va to ta koko ve ta bangulukela ka vaxayisi va sike sa didhoropa, va txi va zivisa ku kha vona: Hi tsute dizumboni ka Vasiriya, aniko ku si nga ni m'thu, hambi dipswi da m'thu, mahantxhi dwe ma ngadi sungeletwe, ni timbongola ti ngadi sungeletwe, ni matenda ma di zumbisile tona tile ta kale.

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

2 Vafumeli 7:1

Sekoko Elizawu a to khene: Engisani dipswi da Mkoma. Mkoma a khene: Mangwana ka mbimo yo nga yona yiya, ku na maneka lipimo limwelo la mpupu ngu dixekele, ni tipimo timbidi ta sevhadha, ngu dixekele dimwedo, ha ditimbani ka Samariya.

2 Vafumeli 6:32

Sekoko Elixa a ti ti khalahatshile kumweko ni madhota nyumbani kwakwe. Mfumeli a to rumela wamwamna masoni kwakwe; aniko asi se hoka m'thu wule, Elixa a to khene ka madhota ale: Mi ti woni ati mwanana wa txidayi a nga rumelisa tona ku ta wila msungo wangu kani? Wonisisani, a txi bwaka wu wo rumwa, msekeleni ditimba; ina kha ku na ku maheto i ti sigingo sa nyamne wakwe si pfalako ngu msana kwakwe kani?

2 Vafumeli 6:6

Se Elixa m'thu wa Txizimu a nje khene: Ngu hani di nga wela kona kani? Se a to mkomba wukhalo wa kona, Elixa a to wila ndonga e yi vinza kona hale, se ditxhapu di so deluka.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

2 Vafumeli 4:12

Se a to khene ka txithumi txakwe Gehazi: Hi nga dhana wamsikatiyo wa msunami. Se a di dhanwi a to ta masoni kwakwe.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

2 Vafumeli 8:3

Se ku to maheka taku kugumani ka mtxhanu wa malembe ni mambidi, awule wamsikati a to wuya ngu ditikoni ka Vafislista, na a txi kwangula ka mfumeli, ngu kulava nyumba yakwe, ni mafu akwe.

2 Vafumeli 4:25

Wamsikati koko, a to khukha eta ka m'thu wa Txizimu, mmangoni ka Karmeli. Se mbimo yile a nga wona m'thu wa Txizimu ngu kule, a to khene ka dijaha dakwe Gehazi: Ndiyole wamsikati wa msunami.