2 Vafumeli 8:11 - Bhiblia Yo Sawuleka

¹¹ Se a to mronolela a txi muwonisisa, eza ewa tingana; se m'thu wa Txizimu, a to dila.

2 Vafumeli 8:11 Referans Kwoze

Luka 19:41

Ngako a di hafuhi, a to wona didhoropa e di dilela.

Jeremiya 9:18

Va na kuluvete ve hi pekela huwa, kuva maso athu ma na humisa mirongo, ni mikohe yathu yi tala ngu mati!

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Vafilipiya 3:18

Nguko vaho vavangi, ava va hanyako kota nga valala va txihambano txa Kristu. Ni bhulisanile ni nanu sikhati sasingi ngu vona, se konakuwa ni womba-womba ni txi dila.

Varoma 9:2

Na pfa kuxaniseka ka hombe ni kupandiseka ko mbi guma mbiluni kwangu.

Mithumo 20:31

Ngu toneto, wonelelani, na mi txi alakanya tito, wusiku ni mitshikari, mndani ka malembe mararu, kha na leka ku mi laya ngu mirongo.”

Mithumo 20:19

Ni thumete Mkoma ngu kutiveka hahatshi ni kudila mirongo ni siduko si si nga ni humelela, si txi wuswa ngu mazunga a Vajudha.

Johani 11:35

Jesu e dila.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

2 Vafumeli 2:17

Aniko va to mkhokhonisa eza e womba ku khene: Va rumeleni. Se va to rumela mtxhanu wa magumi a vavamna, va txi ya mlava masiku mararu, kha va gwitisa ku mmana.

Genesisi 45:2

Se ene a to guleta dipswi a txi dila ngutu ahawa ka kuza Vaegipta vavangi ve mu engisa, dipswi di pfala ni m'tini ka Faro.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.