2 Vafumeli 7:7 - Bhiblia Yo Sawuleka

⁷ Sekoko va to khukha di txi khata kuswa, ve siya matenda awe ni mahantxhi awe, ni timbongola tawe, ni dizumbo nga ti di ngadi ngu tona; va to tutumela kuhulukisa wutomi wawe.

2 Vafumeli 7:7 Referans Kwoze

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Mavingu 6:5

ti txhatxhise, kufana ni mhoti manzani ka mxoti, ni ku nga txinyana manzani ka mriyeli.

Masalmo 68:12

“Vafumeli ni mabutho awe ndivale va thava, m'tini vavasikati va phakelana sile si nga honyolwa ka mlala.”

Masalmo 33:17

Mahantxhi a yimbi kha ma vhuni m'thu kuxula; ona kha ma hanyisi ngu mtamo wa ona wa hombe.

Jobe 18:11

Kuthava ku na m'dhukisa ka otshe madhawa, ku mmaha e tutuma eya khe ni khe, ni hani ha a no tutumela kona.

Valamuli 7:21

Se mmwani ni mmwani a to maneka ha wukhaloni kwakwe, va txi randela wugovelo. Ngu tona eto votshe va yimbi ya Vamidhiyani va to dhuka, va txi tutuma ve thava, va txi pekeletela tihuwa.

1 Vafumeli 10:29

Txikotxikani txa Egipta, txi txi kwela ni kurelela ka mtengo wa 600 wa tipimo ta silivhela, se dihantxhi ngu 150; sekoko ngu mamaheloyo va txi heleketa ka votshe vafumeli va Vaheti ni vafumeli va Siriya.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

1 Vafumeli 20:20

Se mmweyo ni mmweyo a to daya wule a nga ti ti lwa nayo; se Vasiriya va to tutuma, na va txi tutumiswa ngu Vaisrayeli; hambi keto, Bheni-Hadhadhe a to hulukiswa ngu dihantxhi, kumweko ni vamwani vagadhi va mahantxhi.