2 Vafumeli 7:6 - Bhiblia Yo Sawuleka

⁶ Nguko Mkoma a to maha ti to Vasiriya ve pfa diguwa da sikotxikani ni mahantxhi, ku nga ova diguwa da dibutho da hombe; veza va txi kha vona hagari kwawe: Hi nga wonani mfumeli wa ka Israyeli, a ti ya xava vafumeli va Vaheti ni va Vaegipta, ku ta hi lwisa.

2 Vafumeli 7:6 Referans Kwoze

2 Samuwele 5:24

Se mbimo yi u no pfa sigingi sa mikondo amu ka mazokoro a mimora, sekoko u na huma ngu kukuluveta; nguko Mkoma a na va a di thangete masoni kwako, kasi kuya dayela wugovelo wa Vafilista.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

1 Vafumeli 10:29

Txikotxikani txa Egipta, txi txi kwela ni kurelela ka mtengo wa 600 wa tipimo ta silivhela, se dihantxhi ngu 150; sekoko ngu mamaheloyo va txi heleketa ka votshe vafumeli va Vaheti ni vafumeli va Siriya.

Mtuletelo 9:9

Yi ti ni sikatawu sa tisimbi ha tikhana. Diguwa da mabhapi di ti fana ni diguwa da sikotxikani so ndindwa ngu mahantxhi amangi ma tutumelako kulwani:

Ezekhiyele 10:5

Se diguwa da tibhapi ta makerubhima di to pfala kala ka muhubhe wa hahanze, kufana ni dipswi da Txizimu txa Mtamo-wotshe txi txi womba-womba.

Isaya 36:9

U ndi na mahisa kutxani, kutshemberisa khohe ka mthangeli mmweyo dwe wam'dotho, ka sithumi sa nyamne wangu, u themba Egipta, ngu mhaka ya sikotxikani ni vagadhi va mahantxhi kani?

Masalmo 14:5

Vona va dhudhumela ngu kuthava, nguko Txizimu txi ema ni liveleko lo lulama.

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

1 Samuwele 26:6

Se Dhavhidha a to xamula ka Ayimeleki, Muheti, ni ka Abhixayi, mwana Zeruiya, mwanawe wa Jowabhi, a txi khene: I mani a no relela ni nani hi ya ka Sawule wugoveloni kani? Se Abhixayi a to khene: Ani ni na relela ni nawe!

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.

2 Vafumeli 7:5

Se va to khukha di txi khata kuswa, ve tsula dizumboni ka Vasiriya; se mbimo yile va nga hoka ha txikeni ka dizumbo da Vasiriya, va to ya mana to kha ku nga ni m'thu.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Ezekhiyele 1:24

Se si txi tsimbila, ni pfite diguwa da tibhapi ta sona, kufana ni diguwa da mati amangi, nga dipswi da Nyamitamo, dipswi da kudhinda, ku nga sigingo sa dibutho; si txi ema, tibhapi ti txo relela.

Valamuli 7:21

Se mmwani ni mmwani a to maneka ha wukhaloni kwakwe, va txi randela wugovelo. Ngu tona eto votshe va yimbi ya Vamidhiyani va to dhuka, va txi tutuma ve thava, va txi pekeletela tihuwa.

1 Vafumeli 20:20

Se mmweyo ni mmweyo a to daya wule a nga ti ti lwa nayo; se Vasiriya va to tutuma, na va txi tutumiswa ngu Vaisrayeli; hambi keto, Bheni-Hadhadhe a to hulukiswa ngu dihantxhi, kumweko ni vamwani vagadhi va mahantxhi.