2 Vafumeli 7:4 - Bhiblia Yo Sawuleka

⁴ Hi txo khathu a hi wuleleni didhoropani, ku ni nzala didhoropani, hi na ya fa; se ngako hi txi zumba hawa, hi na fa kambe; a hi tsuleni konkuwa hi txi ya ti ningela dizumboni ka Vasiriya; va txi ya hi leka hi hanya, hi na hanya; ni ngako va txi ya hi daya, hi na fa dwe.

2 Vafumeli 7:4 Referans Kwoze

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

2 Samuwele 14:14

Nguko kha ditshuri hi na fa, hi fana ni mati a makhulungako ha mafuni, ale ma si sengeletananiko kambe. Txizimu koko kha txi thavisi wutomi wa m'thu, kambe kha txi leki kumaha makungo o wuyisa wule a nga tovelwa.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

1 Makronika 12:19

Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.

2 Vafumeli 6:24

Msana keto, ku to maheka ti to Bheni-Hadhadhe, mfumeli wa Siriya, e tshanganisa otshe masotxhwa akwe; a to kwelela eya randela Samariya.

2 Vafumeli 7:5

Se va to khukha di txi khata kuswa, ve tsula dizumboni ka Vasiriya; se mbimo yile va nga hoka ha txikeni ka dizumbo da Vasiriya, va to ya mana to kha ku nga ni m'thu.