2 Vafumeli 7:10 - Bhiblia Yo Sawuleka

¹⁰ Va to ta koko ve ta bangulukela ka vaxayisi va sike sa didhoropa, va txi va zivisa ku kha vona: Hi tsute dizumboni ka Vasiriya, aniko ku si nga ni m'thu, hambi dipswi da m'thu, mahantxhi dwe ma ngadi sungeletwe, ni timbongola ti ngadi sungeletwe, ni matenda ma di zumbisile tona tile ta kale.

2 Vafumeli 7:10 Referans Kwoze

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

2 Vafumeli 7:11

Se va to dhana vawoneleli va sike, ve zivisa mhaka nyumbani ka mfumeli.

2 Samuwele 18:26

Sekoko muwoneleli a to wona mmwani wa wamwmna a txi tutuma, muwoneleli e kwangula ka mxayise wa txike, a txi khene: Wona taku wata mmwani m'thu a txi tutuma ekha! Sekoko mfumeli a to khene: Awuwa nene a tisa mahungu amanene!

2 Vafumeli 7:9

Sekoko va to wombawombisana mmweyo ni mmwani, va txi kha vona: Kha hi mahi ta tinene; ditshiku diya, ditshiku da mahungu amanene, aniko ho malala; hi txi verela kala di txitxa, hi na welwa ngu dikhombo; a hi tsuleni konkuwa hi ya zivisa nyumbani ka mfumeli.

1 Makronika 15:18

Se vanawe va mtxawa wa wumbidi, ngu vava: Zakariya, ni Bhene, ni Jahaziyeli, ni Semiramoti, ni Jeyeli, ni Uni, ni Eliyabhe, ni Bhenaya, ni Mahaseya, ni Matitiya, ni Elifelewu, ni Mikineya, ni Obhedhi-Edhomi, ni Jeyeli, vawoneleli va txike.

1 Makronika 16:38

Se kambe a to veka Obhedhi-Edhomi ni vanawe va mtxhanu wa magumi ni dimwedo. Obhedhi-Edhomi, mwana Jedhutumi ni Hosa, a to va veka kuva vaemeli va sike.

2 Makronika 23:19

Se a to veka vawoneleli va sike sa Nyumba ya Mkoma, kasi ku ku si wuleli awule a nga nyenyeziswa ngu mhaka yokari.