2 Vafumeli 7:1 - Bhiblia Yo Sawuleka

¹ Sekoko Elizawu a to khene: Engisani dipswi da Mkoma. Mkoma a khene: Mangwana ka mbimo yo nga yona yiya, ku na maneka lipimo limwelo la mpupu ngu dixekele, ni tipimo timbidi ta sevhadha, ngu dixekele dimwedo, ha ditimbani ka Samariya.

2 Vafumeli 7:1 Referans Kwoze

Joxuwa 3:5

Joxuwa a to khene kambe ka vathu: “Ti sawulekiseni, nguko mangwana Mkoma a na maha sidiwukiso hagari kwanu.”

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

Ezekhiyele 37:4

Sekoko a to khene kwangu: Profeta ka marambu awa, u txi ma gela tiya: Anu marambu a kuoma, engisani dipswi da Mkoma.

1 Samuwele 11:9

Sekoko va to kha vona ka mitumi yile yi nga ta: Gelani vathu va Jebhesi-Gileyadhi, mi txi khanu: Mangwana ni mitshikari, ku nata kutxhatxhiswa kwanu. Yi to ta koko mitumi, yi ta zivisa ka vathu Jebhesi, aniko vona va to tsaka.

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Masalmo 46:5

Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

Eksodha 8:23

Se ni na hambanisa hagari ka vathu vangu ni vathu vako; mangwana ngu kona ku no maheka mhaka ya txixaniso txiya.”

2 Vafumeli 20:16

Sekoko Isaya a to khene ka Ezekhiya: Engisa dipswi da Mkoma.

Mtuletelo 6:6

Konako ni to engisa txo nga dipswi, di humako ngu ka mune wa sivangwa si si hanyako, di txi kha dona: “Mpimo wumwewo wa fulaho wu xawa ngu male ya didhenari dimwedo, mipimo yiraru ya mahila ni yona yi xawa ngu male ya didhenari dimwedo, se u nga onhe mafura ni vhinya.”

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

Johani 6:9

“Ahawa ku na ni mfana a ku ni mtxhanu wa mapawu a mahila ni sihaka simbidi; kambe ina va nga enela votshe vathu vava votala ngu sona siya kani?”

2 Vafumeli 6:25

Se ku to maneka nzala ya hombe Samariya, nguko ku nga ti randetwe, kuhoka hale ko xaviswa mbongola yimweyo ngu mtxhanu wa magumi ni mararu a siya sa silivhela, ni txipande txa wumune txa mihambuko ya situvani, ngu mtxhanu wa siya sa silivhela.

2 Vafumeli 6:33

Se a txi nge womba-womba navo, awule wo rumwa a nje bwa; mfumeli a nje khene: Kuwoneka taku dikhombo diya dita ngu ka Mkoma; kona ni ndi na verela txani kambe ka Mkoma kani?

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

2 Vafumeli 7:16

Sekoko vathu va to huma veya handa wugovelo wa Vasiriya; se ku ti ti ni mpimo wa mpupu ngu dixekele, ni tipimo timbidi ta sevhadha ngu dixekele, madingano ni dipswi da Mkoma.

1 Samuwele 15:1

Sekoko Samuwele a to khene ka Sawule: Mkoma a ni rumile ku ta kutota kuva mfumeli txitimwi ka vathu vakwe, i ku va ka Israyeli; Konkuwa koko, engisa dipswi da mahungu a Mkoma.