2 Vafumeli 6:2 - Bhiblia Yo Sawuleka

² A hi tsuleni Jordhani, mmweyo ni mmweyo wathu eya teka phande yimweyo, hi na ti akela wukhalo wo zumba ka wona. Se Elixa a to khene: Tsulani.

2 Vafumeli 6:2 Referans Kwoze

1 Timoti 6:6

Ina, wukhongeli njisima txa dibhindu ka wu a zivako kutipimela.

2 Vatesalonika 3:8

Hagari kwanu, kha ha hanyisa wukara, kambe kha ha dya sakudya sa m'thu mahala, aniko hi thumile wusiku ni mitshikari, ngu kukhutala ni kukarateka, kasiku hi si nemeti ni wammweyo kwanu.

1 Vatesalonika 2:9

Alakanyani, vanathu, mithumo yathu ni mikaralo yathu! Hi thumile wusiku ni mitshikari kufela ku hi si nemeti ni mmweyo wanu, mbimo yi hi nga ti txhumayela Evhangeli ya Txizimu hagari kwanu.

1 Vakorinto 9:6

Mwendo ngani nokha ni Bharnabhasi hi ku si nga ni fanelo yo thuma, kani?

Mithumo 18:3

Se ngako i nga ti wa mthumo wumwewo navo, va ti ni mthumo wa kuluka matenda, a to zumba navo a txi thuma.

Johani 21:3

Simoni Pedro a to va gela a txi khene: “Na nga ya kukokani.” Vona va to xamula va txi kha vona: “Nanathu hi na tsula kumweko ni nawe.” Se va to huma veya wulela mu ngalavani, aniko ka wule wusiku kha va mana txilo.

2 Vafumeli 6:1

Se vanana vavaprofeti va to kha vona ka Elizewu: Wona ti taku wukhalo wu hi zumbako ka wona kumweko ni nawe mbudotho ngutu.

2 Vafumeli 6:3

Se mmweyo wawe a to khene ka Elizewu: Ha kukombela to u tsula ni nathu. Se a nje khene kha Elizewu: Na tumela, ni na tsula ni nanu.