2 Vafumeli 6:1 - Bhiblia Yo Sawuleka

¹ Se vanana vavaprofeti va to kha vona ka Elizewu: Wona ti taku wukhalo wu hi zumbako ka wona kumweko ni nawe mbudotho ngutu.

2 Vafumeli 6:1 Referans Kwoze

2 Vafumeli 2:3

Sekoko vanana va vaprofeti va nga txi maneka Bheteli, va to huma veya ka Elixa va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Elixa a to khene hambi ani na tiziva kha kwati eto; anu malalani.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

1 Vafumeli 20:35

Sekoko mmweyo ka vavamna vale i ku vanana va vaprofeti, a to khene ka mkwawe madingano ni dipswi da Mkoma: Ni peke. Se wamwamna wule a to lamba ku mpeka.

1 Samuwele 19:20

Sekoko Sawule a to rumela mitumi yo londeta Dhavhidha, avale va nga wona mtxawa wa vaprofeti va txi profeta, eho a nga ti kona Samuwele a txi vathangela; se Moya wa Txizimu wu tota txitimwi ka mitumi ya Sawule, ni vona va to profeta.

Joxuwa 19:47

Ditiko da vanana va ka Dhani di ti si va eneli votshe, ngu mhaka yeto, vanana va ka Dhani va to huma va txi yalwa ni didhoropa da Lexemi, va txi di khozisa ni kudayela vathu va kona ngu matxhari, ve teka didhoropa di txi maha dawe, va txi aka kona, ni ku di ninga ditina daku i Dhani, ditina da tate wawe.

Joxuwa 17:14

Sekoko vanana va ka Josefa, va to ya ka Joxuwa va txi ya kha vona: “Ngu kutxani u txi hi ninga thomba ya txyavelo txatxidotho txa ditiko dimwedo ni wukhalo wumwewo dwe, kuve athu hi vathu vavangi, nga ti Mkoma a nga hi katekisa kala nyamsi kani?”

Jobe 36:16

Nguko se Txizimu txi na kuvayilelisa ka sixaniso, txi kuyisa ka wukhalo wo thandawuka, ku kuwalo kukamana, kambe siya sa meza yako si na tala ngu mafura.

2 Vafumeli 4:38

Se Elixa a to tshumela eya Giligali, na ku di ni nzala kheyo; se vanana vavaprofeti va ti khalahatshile masoni kwakwe; a to khene ka dijaha dakwe: Releka khadi ya hombe ha txikho, u va bhikela matawa vanana vavaprofeti.

Vahebheru 11:34

va timile midhikila ya mndilo, va hulukile kudawa ngu matxhari, amu ka dikhodho va mani mtamo, va hindukile ve maha tindena yimbini, va tovete mitxawa ya tiyimbi ta valala.

2 Vafumeli 6:2

A hi tsuleni Jordhani, mmweyo ni mmweyo wathu eya teka phande yimweyo, hi na ti akela wukhalo wo zumba ka wona. Se Elixa a to khene: Tsulani.

2 Vafumeli 2:5

Sekoko vanana va vaprofeti va nga txi maneka Jeriko, va to tshuketela ka Elixa, va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Hambi ani na tiziva kha kwati eto; anu malalani.

2 Vafumeli 2:7

Se mtxhanu wa magumi a vavamna, i ku vanana va vaprofeti, va to ema ngu masoni: Se vona ngu wumbidi wawe va to ema Jordhani.

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.