2 Vafumeli 5:9 - Bhiblia Yo Sawuleka

⁹ A to ta koko Nahanani, ni mahantxhi akwe ni txikotxikani txakwe, a txi ta ema ha txikeni ka nyumba ya Elizewu.

2 Vafumeli 5:9 Referans Kwoze

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

2 Vafumeli 6:32

Sekoko Elixa a ti ti khalahatshile kumweko ni madhota nyumbani kwakwe. Mfumeli a to rumela wamwamna masoni kwakwe; aniko asi se hoka m'thu wule, Elixa a to khene ka madhota ale: Mi ti woni ati mwanana wa txidayi a nga rumelisa tona ku ta wila msungo wangu kani? Wonisisani, a txi bwaka wu wo rumwa, msekeleni ditimba; ina kha ku na ku maheto i ti sigingo sa nyamne wakwe si pfalako ngu msana kwakwe kani?

2 Vafumeli 3:12

Se Josafati a to khene: Nguyo a ku ni dipswi da Mkoma. Sekoko mfumeli wa ka Israyeli, ni Josafati mfumeli wa ka Judha, ni mfumeli wa Edhomi, va to tsula kuya womba-womba ni Elixa.

2 Vafumeli 5:8

Se mbimo yile a nga tipfa Elixa, m'thu wa Txizimu, ati taku mfumeli wa ka Israyeli a vharute syambalo sakwe, a to rumela dipswi ka mfumeli do khene: U vharulete syambalo sako ngu kutxani kani? Mleke e ta wonana ni nani, a na ziva ti to ku ni mprofeti amuwa Israyeli.

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.