2 Vafumeli 5:5 - Bhiblia Yo Sawuleka

⁵ Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.

2 Vafumeli 5:5 Referans Kwoze

Valamuli 14:12

Samusoni koko, a to va gela tiya: “Ni lava ku mi mahela thethekatheka yokari, mi na randula, se ngako mi txi yi tumbula ni ku ni randulela mndani ka mtxhanu wa masiku ni mambidi a m'buso, ni na mi ninga magumi mararu a tinguwo, ni magumi mararu a syambalo sa kubomba ngu sona.

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Ekleziyaste 2:1

Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi.

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

1 Vafumeli 22:3

Akabe mfumeli wa ka Israyeli a to khene ka sithumi sakwe: Ina kha mi tizivi taku didhoropa da Ramoti-Gileyadhi ndathu, ni ku hi ko dwe, hi si di honyoli manzani ka mfumeli wa Siriya kani?

1 Vafumeli 13:7

Se mfumeli a to khene ka m'thu wa Txizimu: Ngono m'tini kwangu u nata mana kuzumbiseka; ni lava ku kuninga txihiwa txokari.

Mitengo 22:7

Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake.

Genesisi 45:22

Mmwani ni mmwani kwawe a mningile syambalo sa siphya, aniko Bhenjamini a mningile mazana mararu a male ya maxekele silivhela, ni syambalo sa mtxhanu so txitxa ngu sona.

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Genesisi 11:3

Se va to angulana, va txi kha vona: “He wumbeni sitini, hi si hisa kha kwati ngu mndilo!” Sitini i ti ti marigwi a kona, ani ndope i ti ti semende ya kona.

2 Vafumeli 5:4

Sekoko Nahanani a to ya khene ka mfumeli: Dihorana dokari da ku ta ngu Israyeli, di wombile ti, ni tile.

2 Vafumeli 5:6

Dipasi a nga heleketa ka mfumeli di txi womba tiya: Kunukunuko di hokako dipapilo diya, ti zive to ni rumela Nahanani, txithumi txangu, kuva u txi m'hanyisa ka xokonho.

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.