2 Vafumeli 5:12 - Bhiblia Yo Sawuleka

¹² Kuleka eto, ina minambo ya Abhana ni Faripari kona Dhamasku, kha yi pindi ngu wutxhuko otshe mati a Israyeli kani? Ina ni sa sikota kusamba ka ona ni kalamuka kani? A to tshumela e tsula na a di henyile ngutu.

2 Vafumeli 5:12 Referans Kwoze

Marku 1:9

Ka oneyo masiku, Jesu a tile ngu Nazareta ka Galileya, a ta bhabhatiswa ngu Johani, mnamboni ka Jordhani.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Mavingu 14:17

Awule wo kuluveta kuhenya wa ti maha txiphukuphuku, ni m'thu wa mipimiso yo biha a na vengwa.

2 Vafumeli 5:17

Se Nahanani a to khene: Ti na mahise toneto; hambi keto, tumela ti to ngu mpatwa wa mamula txithumi txako txi tsula ni mafu; nguko txithumi txako kha txi na mbi ngadi txi ningela miningelo ni miphaxo ka simwani sizimu, i si nga ka Mkoma.

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Zakariya 14:8

Ka ditshiku dile, ku na maheka kambe ti to me khiringela mati, ma txi huma ngu Jerusalema, hafu ya ona yi txi ya ka Linene la wutxani, se yimwani hafu yi txi ya ka Linene la mswa-ditambo, ngu mbimo ya malanga ni ya wuxika, eto ti na maheka.

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Ndando ya Tindando 4:8

A hi khukhe Libhanoni, awe msikati wangu, ngono hi khukha Libhanoni; wonetela kukhukhela tshokani ka mmango wa Amana, kukhukhela tshokani ka mmango wa Seniri ni wa Hermoni, khukhela mazumboni ka tingonyamo, ni mimangoni ka tiyingwe.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.