2 Vafumeli 4:2 - Bhiblia Yo Sawuleka

² Se Elixa a to khene kwakwe: Ni ku mahela txani kani? Njitxani u ku natxo m'tini kwako kani? Wule wamsikati a to khene: Txithumi txako kha txi nga ni txilo, hahanze ka txibhembzana txi ku ni mtona!

2 Vafumeli 4:2 Referans Kwoze

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

2 Vafumeli 2:9

Sekoko mbimo yile va ngadi txhatukile, Elija a to khene ka Elixa: Ni kombele ati u ti lavako ku ni txi ku mahela, ni sanzi kuthaviswa hafuhi kwako. Elixa a to khene: Ni kombela moya wako txitimwi kwangu, na wu di wuyeletilwe kambidi.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mithumo 3:6

Kambe Pedro a to khene kwakwe: “Kha ni nga ni nzalama mwendo silivhela, aniko asi ni ku naso ni na kuninga: Ngu ditina da Jesu Kristu wa Nazareta, khukha u txi tsimbila!”

Matewu 15:34

Jesu a to khene kwawe: “Mapawu mangahi mi ku nawo kani?” Se vona va to kha vona: “Mtxhanu wa mapawu ni mambidi, ni sihakanyana sa sidotho.”

2 Vafumeli 4:3

Sekoko Elixa a to khene: Tsula ka vaakelani vako u txi ya lomba siya sasingi sa maphanga.

Eksodha 4:2

Se Mkoma a to khene ka Mosi: “Njitxani etxo u ku natxo manzani kwako kani?” A to xamula a txi khene: “I ndonga.”