2 Vafumeli 4:13 - Bhiblia Yo Sawuleka

¹³ Nguko Elixa a to khene ka Gehazi: Mu wotise ku khawe: Wona taku u hi amukete ngu nzila ya yinene; nji txani txo hi nga ku mahela kani? Ta dingana ku hi womba to kari ngu ngawe ka mfumeli mwendo ka mthangeli wa dibutho kani? Se awule wamsikati a to khene: Ani ni zumba hagari ka vakakwathu.

2 Vafumeli 4:13 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Varoma 16:6

Dingulani Mariya, awu a nga thuma ngutu hagari kwanu.

Varoma 16:2

mi mu amukela ngu ditina da Mkoma, nga ti ti fanelako vasawuleki, mi m'vhuna ka sotshe si a no si lava kwanu, nguko nene a vhuni va votala, hambi ani a ni vhuni.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

2 Vafumeli 9:5

Mbimo yile a nga wulela, vathangeli va mabutho va ti ti khalahatshile kona hale; a so khene: Mthangeli, ni dipswi do kugela. Jehu a to wotisa ku khene: Ka wihi hagari ka hotshethu kani? Kwako mthangeli!

2 Vafumeli 8:1

Se Elixa a to womba ka wule wamsikati a nga m'wusela mwanana, a txi khene: Khukha u tsula, awe ni votshe va mwaya wako, u ya luvela mu u no kumana, nguko Mkoma a dhani nzala, yi nota heta mtxhanu wa malembe ni mambidi.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

Genesisi 14:24

Kha ni na mbi teka txilo, hahanze ka sile vathu vangu va nga dya, ni sile va no avelwa avale va nga ta ni nani, Aneri, Esikole ni Mambre. Evo va na teka txyavelo txawe.”

2 Vafumeli 4:12

Se a to khene ka txithumi txakwe Gehazi: Hi nga dhana wamsikatiyo wa msunami. Se a di dhanwi a to ta masoni kwakwe.

2 Vafumeli 4:14

Sekoko Elixa a to wotisa ku khene: Ngu tihi hi no mmahela kani? Se Gehazi a to khene: Awu wamsikati kha nga ni mwanana, kambe mwamna wakwe a kumbile.