2 Vafumeli 4:10 - Bhiblia Yo Sawuleka

¹⁰ A hi mu akele txitanga hafuhi ni diguma, hi m'vekela m'bhedhu, ni meza, ni txitulu, ni dilambu; se ku na mbimo yile a tako kwathu, a na humula konamo.

2 Vafumeli 4:10 Referans Kwoze

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Luka 8:3

Jowana, msikati wa Kuza, nduna ya Herodha; ni Suzana ni vamwani vavasikati, va nga ti ti va vhuna ngu silo sawe.

Marku 9:41

Awule a no mi ninga muhindo wa mati o sela ngu mhaka ya kuva mi di vagondiswa va Kristu, kha ditshuri na mi gela ti to kha na mbi mwalalelwa ngu dihelo yakwe.”

Isaya 32:8

Aniko txisiwana txi maha makungo amanene, se ngu wunene txi simama txi di emile.

1 Vafumeli 17:19

Se ene a to khene: Ni ningete mwanana wako. Se a to mteka ngu hamidi kwakwe e tsula nayo txitimwi, ka wukhalo wu a nga ti zumba ka wona, se a to mu otelisa ha m'bhedhuni kwakwe.

2 Vafumeli 4:11

Se kumaheka ati to eta ngu ditshiku dokari, a so ta humula ka txona txitanga txile, e otela.