2 Vafumeli 3:9 - Bhiblia Yo Sawuleka

⁹ Sekoko Joramu mfumeli wa ka Israyeli, ni mfumeli wa ka Judha, ni wa Edhomi, va to khukha ve horolokela ngu mpimo wo dingana mtxhanu wa masiku ni mambidi, aniko dibutho ni sifuyo va ngadi naso si si mani mati.

2 Vafumeli 3:9 Referans Kwoze

1 Vafumeli 22:47

Kambe a tutumisile ditikoni vafana vale va nga ti sate ka mbimo ya tate wakwe Asa, va txi maha wugelegele.

1 Vafumeli 22:27

se mi na khanu: Mfumeli a khene: Wuletani wamwamna wuwa mkorani, mi txi mninga sakudya so mbi tshamba, ni mati o bava, kala kuza ni txi wuya ngu kuthutha.

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Mitengo 33:14

Se va to khukha ngu Alusi, veya humula Refidhime; sekoko eho ku si nga ni mati o dingana kusela.

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Mitengo 20:4

Se ngu kutxani mi nga neha msengeletano wa Mkoma amu txiwulani, kasi ku ta fela muwa, nguko athu ni sifuyo sathu kha hi nga ni mati kani?

Mitengo 20:2

Se ka wukhalowo ku si nga ni mati o vathu ve sela. Ngu konaho, va to tshangana vathu ve sola Mosi ni Aroni, ni ku va bhongela.

Eksodha 17:1

Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela.

Eksodha 15:22

Msana keto, Mosi a mahile ti to va ka Israyeli va txi khukha hafuhi ka Linene lo Bhilivila, ve humela kuya txiwulani ka Suri; se va to tsimbila masiku mararu txiwulani, aniko kha va mana mati.

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

2 Vafumeli 3:1

Se Joramu mwana Akabe, a to khata kufuma Israyeli, na a di Samariya, ka dilembe da digumi ni mtxhanu wa malembe ni mararu da Josafati, mfumeli wa ka Judha; se a to fuma digumi da malembe ni mambidi.

2 Vafumeli 3:7

A to ya ruma Josafati, mfumeli wa ka Judha, a txi khene: Mfumeli wa ka Israyeli wa ni wukela; u nga tsula ni nani ku yalwa ni Vamowabhi kani? Se mfumeli Josafati a to khene: Ni na kwelela, ani ni na nga awe, vathu vangu, ku nga vathu vako, ni mahantxhi angu ma na nga mahantxhi ako.

2 Vafumeli 3:8

Se ene a nje khene hi na kwelela ngu yihi nzila kani? Ene koko a nje khene: Hi na tsula ngu nzila ya txiwulani ka Edhomi.

2 Vafumeli 3:10

Sekoko mfumeli wa ka Israyeli a to khene: A! Kasiko Mkoma a dhani vafumeli vava vavararu, ku ta va ningela masoni ka Vamowabhi!

2 Vafumeli 8:20

Ka masiku a kufuma ka Jehoramu, va ka Edhomi va to lwisa mfumo wa ka Judha, se ve ti vekela mfumeli txitimwi kwawe.

1 Vafumeli 22:48

Sekoko ku ti si nga ni mfumeli ditikoni ka Edhomi, aniko ku ti kova ni m'vhuneteli.