2 Vafumeli 3:4 - Bhiblia Yo Sawuleka

⁴ Sekoko Mesa, mfumeli wa Vamowabhi, i ti ti muhodhi wa sifuyo, a to dihela ka mfumeli wa Israyeli 100.000 wa sihambana, ni 100.000 wa tihamba, e ningela ni matoya a kona.

2 Vafumeli 3:4 Referans Kwoze

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

Masalmo 60:8

Mowabhi mkamba wu ni sambelako ka wona; txitimwi ka Edhomi ni na rinza disandazi dangu, kurinza disandazi ka wukhalo wokari njikombiso txaku mbukhalo wa nyane wa disandazi donedo. Ni na giya ngu kuxula Vafilista.”

Jobe 42:12

Mkoma a to katekisa Jobe ka masiku akwe a maphya, kupinda o khata; nguko a vile ni 14.000 wa tinvuta, ni 6.000 wa makamelu, ni 1.000 wa mipatwa ya tihomu, ni 1.000 wa timbongola.

Jobe 1:3

A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.

2 Makronika 26:10

A to aka mikhokhola ya hombe txivulani, a to kela sisima sasingi, nguko a ti ti ni sifuyo so tala mikovani ni tibalani; ni vadimi va tithembwe ta mivhinya, mimangoni ni ka tithembwe to nona, nguko a ti ti dhunda ngutu kudima.

1 Makronika 18:2

Kambe a to xasela Vamowabhi, se Vamowabhi va to maha tikhumbi ta Dhavhidha, va txi ta mluva.

Genesisi 13:2

Abramu a ti ni sifuyo ngutu, ni silivhela ni nzalama.

2 Samuwele 8:6

Se Dhavhidha a to veka vawoneleli kona Siriya ka Dhamasku, Vasiriya va to maha tikhumbi ta Dhavhidha ni ku mluva; Mkoma a to xayisa Dhavhidha kotshe mu a nga ti ti ya kona.