2 Vafumeli 3:10 - Bhiblia Yo Sawuleka

¹⁰ Sekoko mfumeli wa ka Israyeli a to khene: A! Kasiko Mkoma a dhani vafumeli vava vavararu, ku ta va ningela masoni ka Vamowabhi!

2 Vafumeli 3:10 Referans Kwoze

Isaya 51:20

Vanana vako va tsivate, va otete mahandakanyani ka totshe tinzila, kufana ni timhuti amu ka milawu; sekoko va tate ngu kuhenya ka Mkoma ni kukawuka ka Txizimu txako.

Isaya 8:21

Se va na rendelekela ditiko, ve xaniseka, ni kupfa nzala; ni mbimo yi va pfako nzala, va na henya, ve ruketela mfumeli wawe, ni Txizimu txawe, ve wonetela txitimwi.

Mavingu 19:3

Wuphukuphuku wa m'thu wu na timeta nzila yakwe, se mbilu yakwe yi na henyela Mkoma.

2 Vafumeli 6:33

Se a txi nge womba-womba navo, awule wo rumwa a nje bwa; mfumeli a nje khene: Kuwoneka taku dikhombo diya dita ngu ka Mkoma; kona ni ndi na verela txani kambe ka Mkoma kani?

Genesisi 4:13

Sekoko Kayini a to khene ka Mkoma: “Txitsayiso txangu nja hombe ngutu kupinda kudivalelwa.

2 Vafumeli 3:9

Sekoko Joramu mfumeli wa ka Israyeli, ni mfumeli wa ka Judha, ni wa Edhomi, va to khukha ve horolokela ngu mpimo wo dingana mtxhanu wa masiku ni mambidi, aniko dibutho ni sifuyo va ngadi naso si si mani mati.

2 Vafumeli 3:11

Se Josafati a to khene: Ina ahawa kha ngu nga ni mprofeti wokari wa Mkoma, kuva hi txi na wotisa ngu kwakwe ka Mkoma kani? Mmweyo wa vaprofeti va mfumeli a to xamula ku khene: Ndiyo Elixa mwana Safati, i nga txi thuma kumweko ni Elija.